Azeurotel RİTN-i ittiham edən açıqlama verib!!!

28-02-2009 / 15:58

 “Azeurotel” Birgə Müəssisəsinin rəhbərliyi Azərbaycan Rabitə və İnformasiya Texnologiyaları Nazirliyini (RİTN) ittiham edən açıqlama ilə çıxış edib.

“Azeurotel”dən APA-ya göndərilən press-relizdə bildirilib ki, nazirliyin nümayəndələri bu gün növbəti dəfə «AzEuroTel» BM-nə məxsus Yerüstü peyk stansiyasının ərazisinə daxil olaraq, 30-dan çox banka və digər korporativ müştərilərə xidmət göstərən (SWIFT-ə qoşulma və məlumatların ötürülməsi xidmətləri) mövcud peyk kanallarını kəsiblər.

Nəticədə peyk stansiyasının fəaliyyəti dayandırılıb və «AzEuroTel» BM tərəfindən müştərilərə telekommunikasiya xidmətlərinin göstərilməsi mümkünsüz olub: “Bu da Azərbaycan bankları tərəfindən göstərilən beynəlxalq xidmətlərin kəsilməsinə səbəb olub. RİTN-in qeyri-qanuni hərəkətləri ilə nəinki banklara ciddi ziyan vurub, hətta onların beynəlxalq nüfuzuna xələl gətirib”.

«AzEuroTel» bu problemlərə görə öz müştərilərindən üzr istəyib və xidmətlərin göstərilməsinin ən qısa zamanda bərpa edilməsi üçün bütün mümkün işləri görəcəyini vəd edib.

Rabitə və İnformasiya Texnologiyaları Nazirliyinin “Aztelekom” İstehsalat Birliyinin texniki direktoru Zahir Vəliyev isə APA-ya açıqlamasında “Azeurotel”in yaydığı məlumatın həqiqətə uyğun olmadığını söyləyib: ““ Azeurotel”in “Aztelekom” üzərindən fəaliyyətdə olan bütün data, SWIFT və digər sistemləri normal qaydada fəaliyyət göstərir. Bu sistemlərə “Aztelekom” tərəfindən heç bir müdaxilə olmayıb”. APA

xeberler.az



ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.