Azərbaycan Rabitə və İnformasiya Texnologiyaları Nazirliyi Yunanıstan, İtaliya və Rusiya (“İntersputnik”) ilə peyk şəbəkələrinin əlaqələndirilməsi məqsədilə danışıqlar aparır. Nazirliyin mətbuat xidmətinin məlumatına görə, bu ilin sonunadək bu üç ölkə ilə müvafiq müqavilələrin imzalanması gözlənilir. Növbəti mərhələdə Avropa və MDB ölkələri ilə danışıqların aparılması nəzərdə tutulub.
Azərbaycanın orbitə çıxaracağı “Azersat” milli peyk şəbəkələrinin orbital mövqeyinin yerləşəcəyi dərəcə 30-a yaxın ölkə ilə koordinasiya edilməlidir. Bu əlaqələndirmənin keçirilməsi gələcəkdə peyklər orbitə çıxarıldıqda, onların bir-birinə maneçilik törətməməsini təmin edir. Milli peyk Skandinaviya ölkələri istisna olmaqla Avropanı tam, Qazaxıstanın böyük hissəsini əhatə etməklə Asiyanın yarısını əhatə edəcək.
Azərbaycan peykin imkanlarının yalnız 20 faizini istifadə etmək niyyətindədir, qalan hissəsini isə digər ölkələrin istifadəsinə verəcək. Peykin imkanlarının 40 faizi artıq Malayziyaya təqdim edilib, qalan hissə üzrə isə təkliflər qəbul olunur. Peyk teleradio yayım və internetlə transmissiyaya malik olacaq.
mənbə: AZERTAC
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları