Azərbaycan milli rabitə peykinin buraxılması üçün icarəyə iki qlobal orbital mövqe götürmək niyyətindədir

14-01-2009 / 18:00

Azərbaycan AzerSat milli rabitə peykinin kosmosa buraxılması üçün icarəyə iki qlobal orbital mövqe götürməyi planlaşdırır. Bu barədə  jurnalistlərlə söhbətdə rabitə və informasiya texnologiyaları naziri Əli Abbasov bildirib.

“Hazırda bizim üçün əsas məsələ effektiv orbital mövqeyin əldə edilməsidir. Bizdə olan orbital mövqelər ölkə daxilində istifadə oluna bilər. Bu səbəbdən də biz artıq iki ildir ki Beynəlxalq Telekommunikasiya İttifaqı ilə birgə qlobal orbital mövqeyin əldə edilməsi üzrə məsələ üzərində işləyirik. Bununla əlaqədar artıq bir neçə ölkələrlə memorandumlar imzalanıb və yaxın gələcəkdə icarəyə iki qlobal orbital mövqe götürəcəyik”, - deyə nazir qeyd edib.
Bundan əvvəl bildirilmişdir ki, Azərbaycan Rabitə və İnformasiya Texnologiyaları Nazirliyi (RİTN) Türkiyənin Turksat şirkəti ilə, Azərbaycanın AzerSat rabitə peykinə orbital mövqeyin istifadə olunma hüquqlarının təqdim olunmasına dair əməkdaşlıq protokolu imzalanmışdır.
RİTN 2010-cu ilin I yarımilliyində özünün AzerSat rabitə peykini kosmosa buraxmaq niyyətindədir.
2007-ci ilin mart ayında Azərbaycan Beynəlxalq Telekommunikasiya İttifaqına  AzerSat milli rabitə peykinin buraxılmasına dair təkliflər təqdim etmişdir. Layihənin məbləği 80-100 milyon ABŞ dolları təşkil edir, maliyyə mənbələri isə hələ ki müəyyən olunmayıb.

İlkin mərhələdə həmin layihənin dövlət vəsaiti hesabına maliyyələşəcəyi, sonra isə öz xərcinin ödənilməsinə çıxarılacağı nəzərdə tutulur. Peykin istismar müddəti 15 il müəyyən olunub, xərclər isə 3-5 ilə ödəniləcək.
Azərbaycan öz peykinin 20-25% resurslarını istifadə etmək niyyətindədir. Qalan resurslar isə digər ölkələrin operatorlarına satılacaq.

Rabitə və İnformasiya Texnologiyaları Nazirliyinin mütəxəssislərinin fikrincə, milli peykin olması keyfiyyətli və davamlı rabitənin, teleyayımın təşkilinə və kanalların sayının artırılmasına imkan yaradacaq. Əgər AzerSat peyki Avropa ərazisini əhatə edərsə, bu zaman Azərbaycan Avropa və Asiya kanallarının yayımı üzrə tranzit ölkə kimi çıxış edə bilər. 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.