myGov ilə onlayn etibarnamə vermək mümkün olacaq

02-08-2019 / 15:21

Xeberler.az bildirir ki, Ədliyyə Nazirliyi faydalı dövlət xidmətlərinin sayını və bu xidmətlərə əlçatanlığı artırır.  Artıq Nazirliyin bəzi xidmətləri myGov platformasına da inteqrasiya edilib. Bundan sonra hər bir vətəndaş nəqliyyat vasitəsi ilə bağlı etibarnamələrini myGov platformasında görə biləcək. Eyni zamanda vətəndaşlar etibarnamələrin vaxtının bitməsi haqqında mesajları da şəxsi kabinetində və telefonunda ala biləcək.

Nazirlik hazırda Onlayn Etibarnamə xidməti, Notariusa getmədən, birbaşa myGov üzərindən etibarnamələrin digər şəxslərə verilməsi xidməti üzərində çalışır.
Yaxın müddətdə myGov-da qeydiyyatdan keçən hər bir vətəndaş onlayn olaraq başqasına etibarnamə verə biləcək. Ədliyyə Nazirliyi Mobil Notariat mobil tətbiqini də hazırlayıb və artıq aktivdir. 

Hələlik giriş üçün Notariusdan xüsusi kod tələb olunur. Bu mobil tətbiqdə isə vətəndaş özünə aid olan notarial qaydada indiyədək təsdiq olan bütün sənədləri, etibarnamələri, müqavilələri, hansısa sənədin sürətlərinin təsdiqini və s. görə bilir. Yaxın günlərdə Elektron Xidmətlərin Təşviqi üzrə İctimai Şurada Ədliyyə Nazirliyi və VXSİ Dövlət Agentliyi ilə birgə Onlayn Etibarnamə xidmətinin təqdimatı nəzərdə tutulub.

 

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə