Nazirliyin əməkdaşı marafonda 4-cü oldu

20-09-2017 / 10:21

Sentyabrın 17-də Heydər Əliyev Fondunun təşəbbüsü ilə “İradənlə tarix yaz”, “Marafonda bizimlə ol” şüarları altında keçirilən “Gəncə Marafonu 2017”-də Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzinin əməkdaşı Türkay Zərgərli də iştirak edib.

Xeberler.az-ın məlumatına görə, Gəncə şəhəri Heydər Əliyev Park Kompleksindəki Zəfər Tağının önündən saat 10:00-da start götürən marafonun məsafəsi 17 kilometr təşkil edib.

11 mindən çox iştirakçının öz gücünü sınadığı bu yarışda qadınlar arasında birinci yeri Ukrayna vətəndaşı Valentina Poltavska, ikinci yeri Azərbaycan vətəndaşı Anna Yusipova, üçüncü yeri Böyük Britaniya vətəndaşı Nataşa Petersen qazanıb. Məlumat Hesablama Mərkəzinin əməkdaşı Türkay Zərgərli finişə çatan qadınlar arasında 4-cü olub.

Bu vaxtadək Heydər Əliyev Fondunun təşəbbüsü ilə 2016-cı və 2017-ci illərdə paytaxt Bakıda “Küləyə qalib gəl!” şüarı altında “Bakı Marafonu” təşkil olunub. Ardıcıl olaraq keçirilən marafonlara ümumilikdə Azərbaycandan və digər ölkələrdən 20 mindən çox iştirakçı qoşulub. Marafon region sakinləri tərəfindən böyük maraqla qarşılandığından yarışın Gəncə şəhərində də keçirilməsinə qərar verilib.

Xatırladaq ki, "Sağlamlıq - 2016" rabitə işçilərinin respublika spartakiadasında atletika üzrə yarışın qalibi olmuş nazirliyin Məlumat Hesablama Mərkəzinin əməkdaşı Türkay Zərgərli cari il aprelin 30-da keçirilən “Bakı Marafonu 2017”-də 21 km məsafəni 110 dəqiqəyə qət edərək, finişə çatan qadınlar arasında 30-cu olmuşdur.

Onu da qeyd edək ki, bu cür marafonlar indiyədək London, Paris, Boston, Nyu-York, Çikaqo, Berlin, Barselona, İstanbul və digər şəhərlərdə təşkil olunur.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.