Rabitəçilər arasında keçirilən atletika yarışının qalibləri məlum olub

06-10-2016 / 11:03

Məlum olduğu kimi, sentyabrın 24-dən etibarən Azərbaycan Respublikasında rabitə və yüksək texnologiyalar sahəsi işçilərinin peşə bayramının və ölkəmizdə telefon rabitəsinin yaradılmasının 135 illiyi ilə əlaqədar "Sağlamlıq – 2016" rabitə işçilərinin Respublika Spartakiadasına start verilib.

Xeberler.az-ın məlumatına görə, hazırda spartakiada çərçivəsində yarışlar davam edir. Yarışlarda Rabitə və Yüksək Texnologiyalar Nazirliyinin tabeliyində olan qurumları təmsil edən 14 komanda və 500-dən artıq idmançı iştirak edir.

Spartakiada çərçivəsində ilk olaraq atletika üzrə yarış keçirilib.

Respublika Olimpiya Mərkəzinin stadionunda təşkil olunan yarışda nazirliyin Məlumat Hesablama Mərkəzi, Hərbiləşdirilmiş Mühafizə İdarəsi, Dövlət Radio Tezliklər İdarəsi, "Azərpoçt", "Aztelekom", Bakı Telefon Rabitəsi İstehsalat Birliyi və Teleradio İstehsalat Birliyinin komandaları iştirak edib.

Gərgin mübarizə şəraitində keçən yarışlarda Məlumat Hesablama Mərkəzinin təmsilçiləri fərqlənərək komanda hesabında qalib olublar.

Məlumat üçün bildirək ki, idmanın 9 növü (atletika, voleybol, stolüstü tennis, kəndirdartma, mini-futbol, şahmat, nərd, dama və güllə atıcılığı) üzrə keçirilən yarışlar oktyabrın 25-nə qədər davam edəcək.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.