Neyroşəbəkə insan kütləsində silahlı şəxsləri axtaracaq

01-10-2018 / 10:17

ABŞ-ın “Athena Security” startapı insan kütləsində silahlı şəxsi aşkarlayan neyron şəbəkə icad edib. Sistemdən ilk növbədə ABŞ məktəblərində istifadə planlaşdırılır.

Xeberler.az  bildirir ki, ICTnews Elektron Xəbər Xidmətinin məlumatına görə, xüsusi alqoritm insan axınında silaha malik şəxsi müəyyənləşdirə bilir. Bunun üçün sistem müşahidə kameralarına qoşularaq insanların xarici görünüşünü və davranışını analiz edir. Neyroşəbəkə şübhəli şəxsi aşkarlayan zaman polisə bu barədə məlumat verəcək.    

Sistem Pensilvaniya ştatında yerləşən Vud orta məktəbində sınaqdan keçirilib. “Athena Security” nümayəndələrinin sözlərinə görə, sistem girişdə axtarışın aparılması və metal detoktorlarının quraşdırılması ilə müqayisədə daha “yumşaq” nəzarət mexanizmidir.

Qeyd edək ki, təhsil müəssisələrində atışma hallarının baş verməsi ABŞ-da aktual problemdir. Statistikaya görə, 2017-ci ildə ölkə məktəblərində 346 atışma hadisəsi qeydə alınıb.  


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.