Obamanın yazışmaları internetdə yerləşdirilib

21-10-2016 / 12:48

Beynəlxalq sosial internet layihəsi olan WikiLeaks ilk dəfə olaraq ABŞ prezidenti Barak Obamanın qəbul etdiyi və göndərdiyi elektron mesajları internetə yerləşdirib.

Xeberler.az The Hill internet resursunun məlumatına istinadən bildirir ki, əsasən, mesajlar 2008-ci ilin oktyabr ayında, B.Obama birinci prezident seçkilərində qalib gəlməmişdən öncə göndərilmişdir.

Yazışmalar Obama və ABŞ Demokrat Partiyasının üzvü Hillari Klintonun seçki qərargahının rəhbəri Con Podesta arasında aparılmışıdır. Burada Obamanın [email protected] elektron ünvanından istifadə etdiyi göstərilir. Qeyd edək ki, indiyədək ABŞ prezidentinin bu domendən istifadə edib-etməməsi  ictimaiyyətə məlum deyildi.

Yazışmalarda onlar Obamanın mümkün prezidentliyini, onun prezident seçiləcəyi halda G20 sammitində iştirakını müzakirə ediblər. Bildirilir ki, mesajların əksəriyyəti Podesta tərəfindən göndərilib.  

Dövlət, korporasiya yaxud dinə məxsus sızdırılmış məxfi məlumat və sənədləri dərc edən WikiLeaks bundan öncə də Klintonun qərargah başçısının yazışmalarının 13-cü hissəsini internetə yerləşdirib.

 

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.