PayPal ödənişlərin gələcəyini mobil qurğularda görür

15-07-2015 / 17:05

PayPal  elektron ödəniş sisteminin Britaniya üzrə mobil kommersiya bölməsinin direktoru Rob Harper Londonda keçirilən PayExpo konfransında ödənişlər bazarında tendensiyalar və mobil ödənişlərin sürətli artımından bəhs edib.

Xeberler.az RYTN-nin rəsmi saytına istinadən məlumat verir ki, ödəniş sistemi nümayəndəsinin fikrincə, ödənişlərin gələcəyi mobil texnologiyalardan asılıdır.

O qeyd edib ki, həm dünya, həm də ödənişlər sahəsi mobil texnologiyalara doğru hərəkət edir. Sahənin iki inkişaf mərhələsi artıq başa çatıb. Bu, plastik kartlarla əvəzlənən qəbzlər və nağd pullardır. Onun sözlərinə görə, üçüncü mərhələ, heç şübhəsiz, mobil ödənişlər olacaq.

R.Happer buna səbəb kimi dünyada mobil qurğuların nüfuzetmə səviyyəsinin sürətlə artmasını qeyd edib. “18-34 yaşlı gənclər haqqında danışsaq, mobil qurğular onların həyatının ayrılmaz hissəsidir”, - o vurğulayıb.

Rəqəmli ödənişlərin nağd ödənişləri əvəz edə bilməsi ilə bağlı sualı müsbət cavablandıran bölmə direktoru bunu yeni statistik məlumatların sübut etməsini bildirib. “Böyük Britaniyada tarixdə ilk dəfə rəqəmli ödənişlərin həcmi nağd ödənişləri ötüb. Onların çoxu, əlbəttə, kredit və debet kartlar vasitəsilə həyata keçirilib. Lakin biz həmçinin istehlakçıların yeni texnologiyalardan istifadəyə hazır olmasını görürük”, - R.Happer əlavə edib.

O vurğulayıb ki, rəqəmli ödənişlər inkişaf etdikcə ödənişlərin təhlükəsizlik məsələləri daha da aktuallaşır. “Bunu biometrik texnologiyalar qismən həll edə bilər”, - PayPal təmsilçisi qeyd edib.

Xeberler.az

 

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.