“Proqress” orbitdən çıxaraq atmosferin sıx qatlarında yanıb

08-05-2015 / 14:21

Rusiyanın kosmik agentliyi “Proqress M-27M” kosmik yük gəmisinin orbitdən çıxaraq Sakit okean üzərində atmosferin sıx qatlarında yandığını bildirib.

Xəbərlər-in verdiyi məlumata görə, agentlik, həmçinin kosmik gəminin orbitə çıxarılması zamanı baş verən qəza ilə əlaqədar təhqiqatın nəticələrinin dövlət komissiyasının işi sona yetdikdən sonra mayın 13-dək təqdim olunacağını da qeyd edib.

Xatırladaq ki, “Soyuz” daşıyıcı-raketin köməyi ilə Baykonur kosmodromundan havaya qalxan “Proqress” kosmik gəmisi Beynəlxalq Kosmik Stansiyaya bir sıra avadanlıq, ərzaq və zəruri yüklər çatdırmalı idi. Lakin kosmik gəmi havaya qalxan andan onunla əlaqə kəsilib.

Qəza ilə əlaqədar Beynəlxalq Kosmik Stansiyaya uçuş proqramı korrektə olunacaq. Orbitdəki ekspedisiyanın qayıdışı mayın 14-dən iyun ayına keçirilib. Stansiyaya yeni ekspedisiya iyulun 20-dən sonra göndəriləcək. Bundan qabaq isə iyunun sonu – iyulun əvvəlində Beynəlxalq Kosmik Stansiyaya növbəti “Proqress” yük gəmisi göndərilməlidir.(AZƏRTAC)


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.