TƏDBİRLƏR

Bu sözləri Bu gün Qafqaz Universitetində informasiya-kommunikasiya texnologiyalarının (İKT) istifadəsi üzrə AICT2009 3-cü Beynəlxalq konfransında çıxış edən Azərbaycan rabitə və informasiya texnologiyaları naziri Əli Abbasov bildirib. Nazir,həmçinin öz çıxışında Avrasiya regionunun 20-yə yaxın əsas ölkəsinin yüksəksürətli internetə, o cümlədən müxtəlif sahələrdə informasiya və bilik mənbələrinə çıxış imkanlarının artırılması məqsədini daşıyan və Azərbaycan tərəfindən irəli sürülən “Transmilli Super İnformasiya Magistralı” layihəsi barədə iştirakçılara ətraflı məlumat verib. Layihələrdən danışan Əli Abbasov bildirib ki, yaxın gələcəkdə Regional İnnovasiya Zonaların yaradılması barədə layihənin icrasına başlanacaq.

Artıq kosmik sənayenin inkişafı üzrə layihə həyata keçirilir və bu istiqamətdə Dövlət Proqramı təsdiq olunub. Bunlarla yanaşı RİTN başçısı həmçinin digər layihələr, xüsusən də  Azərbaycanın bütün ərazisini yüksəksürətli internetlə təmin edən AzDataCom layihəsi, eləcə də Dilmanc maşın tərcümə sistemi barədə də söz açıb. Azərbaycanın İKT sektorunun son beş il ərzində sürətli artımını və bu artımın ümumdünya göstəricisindən 2,5-3 dəfə çox olmasını vurğulayan nazir qeyd edib ki, bir sıra iri layihələr reallaşandan sonra 2018-ci ildə ölkədə İKT sektorunun gəlirləri neft sahəsinin gəlirləri ilə bərabər olacaq.