Azərbaycan sabah Regional İnnovasiya Zonasının layihəsini təqdim edəcək

23-11-2010 / 05:31

Noyabrın 23-də Bakıda işə başlayacaq «BakuTel-2010» sərgisində Azərbaycanda Regional İnnovasiya Zonasının (RİZ) yaradılması ilə bağlı layihənin təqdimatı keçiriləcək.

Bu barədə Rabitə və İnformasiya Texnologiyaları nazirinin müavini Elmir Vəlizadə məlumat verib. Onun sözlərinə görə, artıq zonanın yaradılması ilə bağlı müvafiq sənədlər hazırlanaraq ölkə hökumətinə təqdim edilib: «Gözləyirik ki, onlar təsdiqləndikdən sonra proses başlaya bilər».

Qeyd edək ki, informasiya-telekommunikasiya texnologiyaları sahəsinin inkişafı və analoji zonaların yaradılması ilə bağlı regionun digər ölkələrində də işlər aparılır. Amma nazir müavini bu işlərlə müqayisədə Azərbaycanın vaxt itirmədiyini deyib: «Artıq sənədlər hazırdır və baxılmaq üzrədir, bu da onu göstərir ki, Azərbaycan belə bir layihənin həyata keçirilməsində maraqlıdır».

Nazir müavininin sözlərinə görə, Azərbaycanda RİZ-in yaradılması ilə bağlı bir neçə mexanizmə baxılır: «Belə zonanın bütün ölkə ərazisində fəaliyyət göstərməsi də mümkündür». Qeyd edək ki, «BakuTel-2010» beynəlxalq İKT sərgi-konfransı noyabrın 23-26-da keçiriləcək


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.