TƏHLİL

Microsoft və Mail.ru şirkətləri Rusiyada internet istifadəçilərinin ən çox maraqlandığı qlobal mövzuları müəyyən ediblər.

Xeberler.az bildirir ki, bu sosioloji tədqiqatı Rusiyada keçirilən internet gününə həsr ediblər. Ortastatik internet istifadəçisinin oktyabrın 7-sində nələrlə maraqlandığını bilmək üçün @Mail.ru xidmətinin axtarış sorğularını əsas götürüblər. Bunu İnternet Explorer brauzerinin son versiyasının axtarış sətir xəttinin köməyi ilə keçirdibər.

Nəticələrdən aydın olub ki, rusiyalılar internetdə ən çox istirahətlərini necə təşkil etmək və ya boş vaxtlarını necə yaxşı keçirtmək haqqında bilgilər axtarıblar. Buna görə offlaynda orta internet- istifadəçisi kinoya baxmağa, balıq tutmağa və roliklərdə gəzməyə üstünlük verir.

Kişilər kino yenilikləri arasında döyüş və trillerləri bəyənirlər, qadınlar isə komediya və melodramları tapmağa cəhd edirlər. Televiziyada axtarış da yaddan çıxardılmayıb. Ən populyar federal “Birinci kanal” və “Rusiya” kanalıdı, bundan başqa qadınlar “Ev” telekanalına, kişilər isə “Xəbərlər” kanalına üstünlük verirlər.

Ən çoxsaylı istifadəçilər kateqoriyası 18 yaşdan 24 yaşadəkdir. Rusiyanın yaşlı əhalisində isə internet bilgisi hələlik kifayət dərəcədə deyil. RİA Novosti ( Rusiya Xəbərlər Agentliyi) qeyd edib ki, bu ilin mart ayında Rusiyada internet istifadəçilərinin sayı 37,5 miliyon nəfərə çatıb, bu təxminən ölkənin bütün əhalisinin üçdə bir hissəsidir. Ən aktiv internet istifadəçiləri isə Moskva əhalisidir.

Xeberler.az