Qəbələdə İnternet xidmətlərindən istifadə edənlərin sayı artıb

23-07-2015 / 19:05

İnternetdən istifadə haqqının aşağı salınması və ATS-lərin elektronlaşdırılması Qəbələ rayonunda İnternet abunəçilərinin sayının sürətlə artmasına səbəb olub.

Xəbərlər-in Azərtac-a istinadən verdiyi məlumata görə, rayon telekommunikasiya qovşağının rəisi Şahin Tağıyev bildirib ki, 2012-ci ildə Qəbələdə cəmi 1912 abonent genişzolaqlı İnternet xidmətlərindən istifadə edirdisə, indi onların sayı 5200-ə çatıb.

Son bir ildə isə rayonda İnternet abunəçilərinin sayı 1700 nəfər artıb.

Telekommunikasiya Qovşağı son bir il ərzində Data plüş, Azəronline, Avritel, Azdunet, Azdatakom, Texnolo, Smart və Qlobalnet şəbəkələrinin 950 boş portunu abunəçilərin istifadəsinə verib.

Məlumata görə, hazırda rayonda 100 telefon abunəçisinin 40,4 faizi genişzolaqlı İnternetdən istifadə edir. Bundan əlavə, hazırda rayonda 12 İnternet-klub fəaliyyət göstərir.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.