E - HÖKUMƏT

Məlum olduğu kimi Azadlıq qəzetinin 20 oktyabr 2010-cu il tarixli sayıda «Azadlıq»ın saytını kimlər dağıdır? sərlövhəli yazıda Sahil-İT şirkəti ilə bağlı müəyyən məqamlar yer alıb. Adı çəkilən yazının müəllifi Sahil-İT şirkətini az qala Azadlıq qəzetinin saytının dağıdılmasında günahkar kimi təqdim edir.

Sahil-İT şirkəti olaraq qətiyyətlə bildiririk ki, ölkənin İKT sektorunda cidi bir qurum olaraq tanınan şirkətimizin Azadlıq qəzetinin saytının dağıdılması ilə bağlı heç bir əlaqəsi yoxdur. Sahil-İT şirkəti olaraq baş verənlərlə bağlı apardığımız elementar araşdırmaların nəticəsi olaraq aşağıdakıları bildiririk.

Yazıda qeyd olunan AdSahil sistemi Sahil-IT-nin 2006-ci ilden bəri fəaliyyət göstərən AdServer texnologiyası üzerindən çalışan bir İnternet reklam sistemidir. Onun vasitəsi ilə müxtəlif saytlarda reklam bannerləri yerləşdirilir, bannerlərin monitoringi aparılır, reklam kampaniyaların hesabatları hazırlanır. Anlaşıqlı formada desək, A saytında B bannerini yerləşdirmək, onun neçə nəfər tərəfindən ziyarət edildiyini, göründüyünü, klikləndiyini hesablamaq ucun, banner AdSahil kodu vasitəsi ilə yerləşdirilir.

Bildiririk ki, AdSahil sisteminə hal hazırda 100-ə qədər milli saytda 300-dən artıq reklamverənin bannerləri yerləşdirilir. Əslində baş verən ondan ibarətdir ki, Azadliq.info-nun hansısa banneri hansısa saytda yerləşdirilib və oradakı kliklər vasitəsi ilə saytlarına insanlar daxil olub. Serverin log-unda eyni səhife ünvanı görsəndiyinə görə, Azadlıq qəzetinin qeyri-peşəkar “araşdırması” nəticəsində məhz bu URL onların saytlarını “dağıdan” səhifə olaraq qəbul edilib.

Bildiririk ki, sayt vasitəsi ilə sayt dağıdılmaz. Bu utopiya və cəfəngiyatdır. Saytı dağıtmaq üçün saytdakı elementlərin özü, oradakı “boşluq”lardan istifadə olunur. Əgər söhbət hansısa “hücum”-dan ya da DDOS hücumdan gedirsə də, onu bir tək səhifədən təşkil etmək mümkün deyil, onun ucun yüzlərlə-minlürlü server və IP tələb olunur.
Adı çəkilən yazıdakı http://www.adsahil.com/ads/www/delivery/afr.php?n=ac918fe0&zoneid=155 ünvanındakı zoneid=155 kodu ilə ***.com saytında bir HTML kodlu banner yerləşdirilmişdir. HTML kodlu banner o deməkdir ki, bannerin özü ayrı yerdə yerləşir, AdSahil onu sadəcə lazım olan şərtlərlə əks elətdirir. HTML kod bu formadadır:

Bu isə azadliq.info/banner/index.php ünvanında yerləşən bir səhifənin əks olunmasını təmin edən koddur.

Deməli nəticə ondan ibarətdir ki, əslində zərərverici kod elə Azadlıq qəzetinin öz saytında - azadliq.info- da yerləşib.

Təəssüflə bildiririk ki, Azadlıq qəzetinin sistem administratorunun öz serverlərində adi bir araşdırma aparılmamağı, mütəxəssislərlə məslətləşməməsi zərəverici kodların məhz öz serverlərində olmasını müəyyən etməyə imkan verməyib.
Sahil şirkəti olaraq bildirik ki, uzun müddətdir ki, biz müxtəlif ideoloji platformalarda olan yüzlərlə internet resurslara xidmət göstəririk.

Azadlıq qəzetində qeyri-peşəkar və tələskən formada hazırlanaraq verilən bu yazının bizim işgüzar nüfuzumuza zərər vuracağını düşünürük.

Sahil-İT şirkəti, Azadlıq qəzetinin media subyekti olduğunu və problemin spesifik olmasını nəzərə alaraq işgüzar nüfuzunu qorumaq üçün məhkəməyə müraciət etməzdən öncə qəzetin Sahil-İT şirkəti ilə bağlı təkzib veriləcəyinə və Şirkətdən üzr istəniləcəyinə ümid edir.

"Sahil"–İT MMC direktoru Qasımov V.A.
www.sahil.az