Səfir: Çin nəqliyyat və İKT sahəsində Azərbaycanla qarşılıqlı faydalı əməkdaşlığı genişləndirməyə hazırdır

31-07-2021 / 11:57

Nəqliyyat, rabitə və yüksək texnologiyalar naziri Rəşad Nəbiyevlə Çin Xalq Respublikasının Azərbaycandakı səfiri xanım Quo Min arasında görüş keçirilib.

Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, görüşdə ölkəmizdən keçən nəqliyyat dəhlizlərinin cəlbediciliyinin, tranzit marşrutu üzrə hərəkət edən Çin-Avropa yük ekspresinin effektivliyinin artırılması, eləcə də nəqliyyat sahəsində normativ-hüquqi bazanın təkmilləşdirilməsinə dair müzakirə aparılıb.

Eyni zamanda, poçt sahəsində beynəlxalq təşkilatlar çərçivəsində əməkdaşlıq məsələləri müzakirə predmeti olub.

Görüş zamanı Çin şirkətlərinin süni intellekt və digər böyük məlumatlar (big data) texnologiyaları sahəsindəki təcrübəsinin öyrənilməsi və onlarla əməkdaşlığın qurulmasında maraqlı olduğumuz diqqətə çatdırılıb.

Səfir Quo Min Çinin həm nəqliyyat, həm də İKT sahəsində Azərbaycanla qarşılıqlı faydalı əməkdaşlığı genişləndirməyə, o cümlədən Çin-Avropa marşrutunda ölkəmizin tranzit imkanlarının gücləndirilməsini dəstəkləməyə hazır olduğunu bildirib.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə