Nazir Rəşad Nəbiyev BTİ-nin Baş katibi ilə videokonfrans formatında görüşüb

22-10-2021 / 20:30

Rəqəmsal inkişaf və nəqliyyat naziri Rəşad Nəbiyevlə Beynəlxalq Telekommunikasiya İttifaqının (BTİ) Baş katibi Houlin Jao arasında videokonfrans formatında ikitərəfli görüş keçirilib.

Xeberler.az bildirir ki, görüşdə Azərbaycanla Beynəlxalq Telekommunikasiya İttifaqı arasında mövcud və perspektiv əməkdaşlıq müzakirə edilib.

İttifaqın Baş katibi Houlin Jao bildirib ki, çox sevindiricidir ki, Azərbaycan İKT sahəsində beynəlxalq əməkdaşlığın daha da artırılmasında maraqlıdır. “Cənab Prezident İlham Əliyevlə görüşlər zamanı Prezidentin çıxışlarında İKT sektorunun inkişafına önəm verdiyinin, böyük diqqət və qayğı ilə yanaşdığının şahidi olmuşam”, – deyə Baş katib vurğulayıb.

Nazir Rəşad Nəbiyev çıxışında Beynəlxalq Telekommunikasiya İttifaqının sahə üzrə faydalı əməkdaşlıq platforması olduğunu söyləyərək Azərbaycanla BTİ-nin münasibətlərinin yüksələn xətlə inkişaf etdiyini qeyd edib.

Eyni zamanda region ölkələri arasında İKT sahəsi üzrə aparılan müzakirələrdə BTİ-nin uğurlu vasitəçiliyi haqqında danışılıb. Azərbaycanın gələn il Rumıniyanın paytaxtı Buxarestdə təşkil olunacaq Səlahiyyətli Konfrans zamanı keçiriləcək seçkilərdə BTİ Şurasının üzvü kimi yenidən seçilmək üçün öz namizədliyini irəli sürəcəyi diqqətə çatdırılıb.

Sonda Beynəlxalq Telekommunikasiya İttifaqının Baş katibi Houlin Jao Azərbaycanla BTİ arasında qarşılıqlı əməkdaşlığın davam etdiriləcəyinə əminlik ifadə edib.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.