Şəkidə yeni regional telekanal açılıb

29-12-2008 / 17:07

APA.AZ

Bu gün Şəkidə “Kanal-S” özəl televiziya kanalı açılıb. Televiziya kanalı UHF diapazonunun 43-cü kanalında yayımlanmağa başlayıb.

Müasir rəqəmsal avadanlıqlarla təchiz olunmuş televiziya fəaliyyətə 3 canlı proqramla başlayıb. Hər gün \"Kanal-S Xəbər\" adlı 2 xəbər proqramı, \"Gün gəlir\" adlı səhər proqramı və \"Hit-miks\" adlı 2 musiqi proqramı yayımlayacaq telekanal 18 saat efirdə olacaq.

Bundan başqa, tamaşaçılar hər həftə \"İpək kimi\" adlı qadın, \"Gəzərsən-görərsən\" adlı maarifləndirici, \"Təzə məzə\" adlı yumoristik proqramları “Kanal-S” telekanalının efirindən izləyə biləcəklər.

Ancaq Azərbaycan dilində yayım həyata keçirən telekanalda 50 nəfərlik texniki və yaradıcı personal çalışacaq. Kanalın 17 ay ərzində inşa edilən 3 mərtəbədən ibarət binasında 3 çəkiliş studiyası və 30 iş otağı yerləşir.
İlk olaraq Şəki ərazisində yayımlanan telekanalın tezliklə Balakən, Zaqatala, Qax və Oğuz rayonlarında da yayımlanması gözlənilir.
 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.