İki yeni telekanal açılacaq

20-09-2011 / 22:53
Azərbaycanın iki regionunda regional televiziya kanalı açılacaq. Bu barədə APA-ya Milli Televiziya və Radio Şurasının (MTRŞ) sədri Nuşirəvan Məhərrəmli məlumat verib.
Onun sözlərinə görə, rəhbərlik etdiyi quruma yeni telekanalların açılması ilə bağlı çoxlu müraciət daxil olur: “Amma yeni telekanalların açılması müraciətlər əsasında olmur. MTRŞ bu məsələyə özü baxır, hansı ərazidə yeni telekanalların açılmasına ehtiyac varsa, bununla bağlı müsabiqə elan edir. Müsabiqədə də istənilən insan iştirak edə bilər. Bizə edilən hər bir müraciəti təbii ki, qeydə alırıq və toplayırıq. Gələcəkdə həmin ərazi üzrə ehtiyac olub-olmaması ilə bağlı fikir bildiririk. Hazırda Azərbaycanda ölkənin mövcud reklam bazarına və auditoriyasına uyğun kifayət qədər telekanal var”. 
Şura sədri deyib ki, MTRŞ regionlarda televiziya kanallarının açılmasında maraqlıdır: “Elə ərazilər var ki, orada regional kanalların açılmasına ehtiyac var. Mərkəzi Aran zonasında – İmişli, Saatlı, Sabirabad, Şirvanda, bir də ki Şamaxıda regional telekanal yoxdur. İlk əvvəl bu iki ərazidə yeni regional kanallar açılacaq. Sonra isə digər ərazilərə baxılacaq”.

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.