TƏDBİRLƏR

Avqustun 10-12-də  2015-ci il  Rusiyanın Tatarıstan Respublikasının Elabuqa şəhərində VI Beynəlxalq müəllimlər Festivalı keçirilib. Rusiya Elm və Təhsil Nazirliyinin  Kazan Federal Universitetinin Elabuqa İnstitutunun rəhbərliyi tərəfindən beynəlxalq  festivala Azərbaycan Respublikasının əməkdar müəllimi Almaz Həsrət də iştirak edib.

Xeberler.az-ın məlumatına görə, Festivalda  moderator qismində iştirak edən Almaz Həsrət Azərbaycan təhsil sistemində son illər ərzində görülən  işlər və layihələr barədə, şəxsi  təcrübəsi zəminində əldə etdiyi  uğur və nailiyyətlərini də bölüşüb. 

Beynəlxalq müəllimlər Festivalının əsas məqsədi  dünya təhsil sisteminin mükəmməl olması və onun inkişafının  təkmilləşdirilməsi yollarının axtarılıb tapılmasıdır. Ümumiyyətlə , bu prosesi həyata keçirən dünya müəllimlərinin birgə əməkdaşlığı, yaxından bir-biri ilə tanışlığı; onların dərs nümunələrinin istifadə səmərəliliyi və həyata keçiriliməsi, nəticələri, nəinki təhsildə, digər yaşam sahələrində də inkişafyönümlü və perspektivli fikir mübadilələrinin aparılmasını nəzərdə tutur.

Təhsil Problemləri İnstitutunun beynəlxalq əməkdaşlıq və informasiya şöbəsinin müdiri Almaz Həsrətin  festivalda ayrıca master klası xüsusi diqqət çəkib. Master klas iki ayrı ayditoriyada təşkil edilib və böyük marağa səbəb olub. Festivalın proqramında yer alan master klassın mövsusu  “Müasir təhsil problemləri informasiya mədəniyyəti kontekstində”  olub.

Almaz Həsrət keçdiyi master klassın əsas mövzusuna uyğun olaraq Azərbaycanın təhsil məkanında informasiya mədəniyyəti, informasiya savadlılığı, informasiya cəmiyyəti və s. barədə aparılan son uğurlu işlər, Azərbaycan Respublikası Təhsil Nazirliyinin təhsil sferasında sırf təhsillə bağlı olan informasiyaların daha da anlaşıqlı və asan əldə olunması üçün gördüyü işlərdən və respublikamızda bu sahədə yaradılan son yeni təhsil saytları barədə də geniş məlumatlar vermib. Almaz Həsrət son illlərdə İKT sahəsi üzrə də aparılan yeni uğurlu nailiyyətlərdən də geniş söhbət açıb.

BBM-nın riyaziyyat və informatika müəllimi Günay Hüseynzadəyə  Azərbaycan məktəblərində dərslərin keçirilməsi ilə bağlı olan kiçik dərs nümunəsinin göstərilməsi üçün 10 dəqiqəlik çıxış edib.

Festivalda məharətilə,  yaradıcılığı, yeniliyi, müasirliyi və  bacarığı ilə seçilən,  ən əsası da iştirakçıların rəylərinin nəticələrini nəzərə alaraq  ən yaxşı master klass kimi qiymətləndirilən Azərbaycanlı təhsil işçisinin işi Diploma layiq görüldü. Bu münasibətlə də ARTPİ-nin direktoruna  təşəkkür məktubu da ünvanlanıb.

Qeyd edək ki, VI Beynəlxalq müəllimlər Festivalına Azərbaycandan ilk nümayəndə olaraq qatılıb.

Xeberler.az