EDUTECH

Bu gün Azərbaycan Dövlət Pedoqoji Universitetində (ADPU)  “Ali təhsilin informatlaşması prolemləri. Elektron Universitet: reallıqlar və prespektivlər” mövzusunda dəyirmi masa keçirilib.

Xeberler.az-ın məlumatına görə, tədbirdə ali təhsilin informasiyalaşması, universitetlərin e-təlim sisteminin yaradılması, elektron universitetin yaradılmasının texniki - texnoloji aspektləri müzakirə edilib.

Tədbiri giriş sözü ilə ADPU-nun rektoru, professor Cəfər Cəfərov açaraq, dəyirmi masanın mahiyyəti haqda məlumat verib.

Professor  bir müddət bundan öncə Prezident İlham Əliyevin Fərmanı ilə təsdiq olunan Starteji Yol Xəritəsində də təhsilin informasiyalaşması, elektron təhsillə bağlı mühüm məqamların qeyd  olunduğunu diqqətə çatdırıb.

O, universitetdə olan mövcud vəziyyətdən danışaraq,  təhsilin keyfiyyətinin yaxşılaşdırılması üçün informasiyalaşmanın önəmini vurğulayıb. 

Daha sonra ADPU-nun İKT Mərkəzinin direktoru İlham Əhmədov, Dövlət Neft və Sənaye Universitetinin İT Departamentinin direktoru Elnur Səfərli, Texniki Universitetin İT və proqramlaşdırma kafedrasının müdiri Zəfər Cəfərov,  Bakı Dövət Universitetinin və Memarlıq və İnşaat Universitetinin İT Mərkəzlərinin  təmsilçiləri çıxış edib. 
Çıxış edənlər universitetlərdə mövcud İT infrastruktur haqqında məlumat verib.

Müzakirələrdə  Azərbaycan İnternet Forumunun prezidenti  Osman Gündüz, Turizim və Menecment Universitetinin İnformatika kafedrasının müdiri Nazim Rüstəmov, Qafqaz Universitetinin müəllimi Etibar Seyidov, Təhsil Nazirliyinin nümayəndələri İlham Hümbətov və Roza Butayeva, Təhsilin İnkişafı  İnstitutunun şöbə müdiri Almaz Həsrət , sosioloq Əhməd Qəşəmoğlu, Azərbaycan Təhsil Şəbəkəsinin nümayəndəsi və digər çıxış edənlər mövzu barədə öz fikir və rəylərini səsləndirib və təkliflər irəli sürüblər.




Təhsil nazirliyinin nümayəndələri bir neçə ali təhsil müəssisəsində təhsilin informasiyalaşması ilə bağlı pilot layihənin artıq hazır olduğunu bildirib.

Tədbirdə bir sıra universietlərin rəhbərləri və İKT qurumlarının nümayəndələri  də iştirak edib.

Günel