TƏDBİRLƏR

 Azərbaycan Respublikası Təhsil Problemləri İnstitutunda  "Məktəbdaxili qiymətləndirmədə İKT-nin tətbiqi" mövzusuna dair məşğələ keçirilib.

Bu barədə Xəbərlər.az-a ARTPİ-nin beynəlxalq əməkdaşlıq və informasiya şöbəsindən   məlumat verilib.

Tədbirdə İnstitutun direktoru Qulu Növruzov  çıxış edərək Azərbaycan Respublikasında təhsilin inkişafı üzrə Dövlət Strategiyasında  ikinci strateji istiqamət təhsil sahəsində insan resurslarının müasirləşdirilməsini nəzərdə tutulduğunu diqqətə çatırıb.    

Onun sözlərinə görə,  bu istiqamət innovativ təlim metodlarını tətbiq edən, təhsilin məzmununun səmərəli mənimsənilməsini təmin edən səriştəli təhsilverənin formalaşdırılmasına xidmət edir.

Sonra   Bakı şəhəri Nizami rayon N.Həmzəyev adına 238№-li tam orta məktəbin İbtidai sinif müəllimi, "Qabaqcıl təhsil işçisi", "Ən yaxşı müəllim" müsabiqəsinin qalibi (2009-2010) İradə   Bayramova təcrübəsində qiymətləndirmədə  İKT-nin iradə tədbiqi ilə bağlı təqdimatla çıxış edib.

İradə Bayramova  qeyd edib ki, İKT vasitələri təhsil prosesini xeyli sadələşdirir, onu dinamik və çevik edir.  Məktəbdaxili qiymətləndirmədə İKT-nin tətbiqində hansı nəticələri əldə etdiyininə dair  müxtəlif  bəndləri göstərməklə izah verib.

Təqdimatın sonunda mövzu ətrafında sualllar verilib, çıxışlar olub. ARTPİ-nin direktor müavini Ənvər Abbasov, 238 nömrəli tam orta məktəbin direktoru İlqar Talıbov, İTV-nin “Açıq dərs” verilişinin aparıcısı Orxan Cabbarov, İncəsənət Gimnaziyasının ibtidai sinif müəllimi Yaqut Əzimzadə və başqaları maraqlı çıxışları ilə öz fəaliyyətlərində istifadə etdikləri, müşahidə apardıqları məktəbdaxili qiymətləndirmə ilə maraqlı fikirlər səsnələndiriblər.

 ARTPİ-də "Məktəbdaxili qiymətləndirmədə İKT-nin tətbiqi" mövzusuna dair keçirilən məşğələdə institututun rəhbərliyi, əməkdaşları ilə bərabər, həmçinin  Zaqatala, Şəmkir, Bakı, Sumqayıt şəhərlərindən gəlmiş müəllimlər iştirak ediblər.

Xəbərlər.az