“Telekanallara inzibati metodlar tətbiq olunacaq”

13-11-2009 / 18:42

Nuşirəvan Məhərrəmli: “Telekanallarda şou proqramlarla bağlı vəziyyət son günlər yenidən əvvəlki vəziyyətinə qayıdıb”.

APA-nın məlumatına görə, bu barədə Milli Televiziya və Radio Şurasının (MTRŞ) sədri Nuşirəvan Məhərrəmli MTRŞ-nın Elektron Mediaya Yardım Fondu birgə bu gün “Şou-proqramlar, şou-problemlər” mövzusunda təşkil etdiyi təlim kursunda bildirib.

Onun sözlərinə görə, əgər Şura inzibati metodlara əl atsa, telekanallar bundan zərər çəkəcək: “Mən bununla onları qorxutmaq istəmirəm. Hələ ki, kanallara tövsiyələr verilir. Əgər şou proqramlarla bağlı vəziyyət belə davam eləsə, telekanallara elə zərbə dəyə bilər ki, həmin proqramlardan əldə etdikləri gəlirlər də heç olar. “Televiziya və radio yayımı haqqında” qanundakı müəyyən maddələri tətbiq etsək, telekanalların vəziyyəti o qədər də yaxşı olmaz. Bu məsələ artıq Şurada müzakirə olunur”.

N. Məhərrəmlinin sözlərinə görə, Azərbaycanın efir məkanında şou proqramlarla bağlı bütün verilişlər bərbad gündədir: “Sanki müğənnilərdən başqa Azərbaycanda aparıcı sima yoxdur. Yenə də həmin bu müğənnilərin efir mədəniyyəti, səviyyəsi, davranış mədəniyyəti olsaydı, buna göz yummaq olardı. Bu problem bu və ya digər dərəcədə bütün telekanallarda var. Efirdə bir-biri ilə zarafat edəndə elə hesab edirlər ki, bununla, verilişə duz-istiot qatırlar. Amma unutmaq olmaz ki, duzu-istiotu çox olanda yeməyin ümumiyyətlə dadı olmur. Radiolarda vəziyyət daha da acınacaqlıdır. Sanki mətbəxdə oturub çay içə-içə söhbət edirlər”.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.