TikTok rəsmiləri yenidən Azərbaycandadır.
Son zamanlar bu sosial media platforması ölkəmizdə bir neçə layihəyə dəstək göstəriblər. Ötən ilin sonu ölkəmizdəki fəaliyyətləri ilə bağlı, İnternet ictimaiyyətinə sayğı göstərərək hesabat da veriblər.
Vaxtaşırı digər qlobal resurslardan fərqli olaraq dövlət, özəl və vətəndaş cəmiyyəti ilə görüşlər keçirirlər.
TikTok Azərbaycanda rəsmi nümayəndəliyi olmadığından ötən ilin sonu Nazirlər Kabinetinin qəbul etdiyi qərara görə digər qlobal şirkətlər kimi vergi ödəyicisi hesab olunur .
Yəni TikTok bu dəfə, digər qurumlarla bərabər Dövlət Vergi Xidmətinə də baş vurmalıdır .
VÖEN almalıdır .
Qonşu ölkələrdə "Google vergisi" kimi adlandırılan ƏDV -ni ödəməlidirlər.
Bilmirəm bu gün Mədəniyyət Nazirliyindəki görüşdə bütün bunları TikTok rəsmilərinə çatdırıblarmı.
Daha doğru olar ki, DVX, RİNN və İN ölkəmizdə qlobal şirkətlər üçün yaranmış yeni hüquqi mühitlə bağlı bir açıqlama versinlər.
Xeyli gecikmiş olsa da hökumətin bu addımı doğru və məntiqlidir.
Əlbəttə, bütün bunlar həm də könüllüdür.
Ölkəmizdə elektron ticarət fəaliyyəti həyata keçirən bütün qlobal şirkətlər DVX-nın rəqəmsal platformasına daxil olub könüllü olaraq vergi uçotuna durmalıdırlar.
Gedişatdan bilirəm ki, DVX-də əyləşənlər də "TikTok Azərbaycan"-dakı dövriyyəni hesablaya bilirlər. Gəlir varsa vergi də var.
Ümid edirəm TikTok rəsmilərinə vergi borcuna görə STOP qoyulmaz.
Osman Gündüz
