Toshiba bəzi bölmələrini bağlayır

05-10-2015 / 11:18

Yaponiyanın texnoloji nəhəngi Toshiba şirkətinin rəhbərliyi televizor və fərdi kompüter istehsalı üzrə bölmələrin fəaliyyətinin dayandırılması barədə qərar qəbul edib.

Xeberler.az xarici mətbuata istinadla bildirir ki, buna səbəb kimi ağır maliyyə vəziyyətinin olması, eləcə də yaranmış maliyyə qalmaqalı göstərilir.

Aparılmış araşdırmalardan məlum olub ki, top-menecerlər 2008-2014-cü illər üçün maliyyə hesabatlılığında səhvə yol vermələri nəticəsində şirkətin gəlirləri 1,9 milyard dollar azalıb. Bu isə öz növbəsində kapitallaşma dəyərinin 6 milyard dollar azalmasına gətirib çıxarıb.

Həmçinin qalmaqalda şirkətdə yüksək vəzifələr tutan 30 əməkdaşın əlinin olması məlum olub. Araşdırmalar başa çatdıqdan sonra icraçı direktor daxil olmaqla rəhbərlikdə kütləvi ixtisarlar aparılıb, eləcə də televizor və fərdi kompüter istehsalı üzrə bölmələrdə çalışan bütün əməkdaşların işdən azad olunması gözlənilir.

Öz növbəsində Toshiba şirkətinin baş icraçı direktoru Masasi Muromati vəziyyətin düzələcəyinə ümid edir.

 

Xeberler.az 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.