“Sony” şirkəti problemli mobil biznes bölməsinin yenidən təşkili prosesini davam etdirərək bu dəfə iş yerlərini azaltmaq qərarına gəlib.
Xeberler.az RYTN-nin rəsmi saytına istinadən məlumat verir ki, “Sony Mobile” bölməsinin İsveç nümayəndəliyindən 575 ştatda olan əməkdaş və müqavilə əsasında çalışan 400 nəfər işdən azad edilib. Nəticədə yerli ofisin əməkdaşlarının sayı iki dəfə azalıb.
“Sony Mobile”-ın İsveç filialı proqram təminatının hazırlanmasında və Avropa müştərilərinə texniki dəstək xidmətlərində ixtisaslaşıb.
Yaponiya istehsalçısı nümayəndəlikdə ixtisarların aparılmasını təsdiq edərək bəyan edib ki, bu addım 2015-ci ilin fevralında elan olunan kadr islahatlarının tərkib hissəsidir. O vaxt istehsalçı dünya üzrə mobil bölmədə 2100 iş yerinin ləğv edilməsini bildirib.
“Sony” martın 31-də başa çatan 2014-2015-ci maliyyə ilini 1 milyard dollarlıq itki ilə başa vurub. Buna smartfonlar bazarında problemlər səbəb olub. "Sony Mobile”-ın ötənilki itkiləri 1,8 milyard dollar təşkil edib, bu il üçün 315 milyon dollar məbləğində maliyyə itkiləri proqnozlaşdırılır.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri