TQDK məktəb direktorlarına onlayn cavab verəcək

07-05-2015 / 11:56

Tələbə Qəbulu üzrə Dövlət Komissiyası (TQDK) məktəb direktorlarının müraciətlərini elektron qaydada cavablandıracaq.

Məlumatı Xeberler.az-a TQDK-nın Məlumat bazalarının aparılması və elektron arxivlə iş sektorunun müdiri Sahib Mərdanov bildirib.

Qurum rəsmisinin sözlərinə görə, hazırda yeni bir elektron sistemin yaradılması ilə bağlı işlər görülür: “Məktəb direktorları öz müraciətlərini yazılı şəkildə ünvanlayırlar və bu cür fəaliyyət həm vaxt, həm də maliyyə itkisinə yol verir. Bu məqsədlə yeni bir elektron sistem yaratmaq üzərində düşünürük. Sistem elektron imzası olan direktorları tanıyacaq və onların müraciətlərini TQDK-ya elektron şəkildə ünvanlamağa imkan verəcək. Direktorların ünvanladığı məktublara TQDK tərəfindən rəsmi şəkildə, təsdiqlənmiş imza ilə cavab veriləcək”.

Sahib Mərdanov, yeni sistemin yaxın günlərdə istifadəyə veriləcəyini bildirib.

 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.