TQDK yeni elektron xidmət istifadəyə verib

07-06-2016 / 12:19

Tələbə Qəbulu üzrə Dövlət Komissiyası (TQDK) yeni elektron xidmət istifadəyə verib.

Bu barədə Xeberler.az-a TQDK-nın mətbuat xidmətindən bildirilib.

Məlumata görə, hər il Tələbə Qəbulu üzrə Dövlət Komissiyasına şəhər və rayon təhsil idarə və şöbələrindən onların tabeçiliyində olan ümumi orta təhsil müəssisələrinin məzunlarının təhsil haqqında sənədlərindən (attestat, şəhadətnamə və arayış) TQDK-nın keçirdiyi qəbul imtahanlarında istifadə edilib-edilməməsinə dair çoxlu sayda sorğu daxil olur.

"Sorğu məktublarının və onlara verilən cavab məktublarının kağız daşıyıcılarda hazırlanıb göndərilməsi həm vaxt itkisinə, həm də maliyyə vəsaitinin sərf olunmasına gətirib çıxarır. Bu problemi aradan galdırmaq və vətəndaşlara daha keyfiyyətli xidmət göstərmək məqsədilə Tələbə Qəbulu üzrə Dövlət Komissiyası tərəfindən “Təhsil idarə və şöbələrinə TQDK-nın elektron arxivindən vətəndaş haqqında çıxarışın verilməsi” elektron xidməti hazırlanmış və Elektron Hökumət Portalında yerləşdirib.

Şəhər və rayon təhsil idarə və şöbələri tərəfindən təyin olunmuş məsul şəxslər haqqında məlumatlar TQDK-ya təqdim edildikdən sonra onların adları istifadəçilər siyahısına əlavə ediləcək. Eyni zamanda, məsul şəxslər Elektron Hökumət Portalında mövcud autentifikasiya vasitələrindən birini istifadə etməklə qeydiyyatdan keçməlidirlər. Yalnız bundan sonra məsul şəxslər elektron xidmətdən istifadə etmək hüququna malik olacaqlar.

Xidmət vasitəsilə göndərilmiş sorğuya cavab elektron imza ilə imzalanmış fayl şəkildə veriləcək", - TQDK-dan bildirilib.

 Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.