Uşaqların İnternet təhlükəsizliyi üzrə “Ağ siyahı” yekunlaşmaq üzrədir

27-06-2015 / 13:14

Xəbər verdiyimiz kimi, Rabitə və Yüksək Texnologiyalar Nazirliyi (RYTN) tərəfindən uşaqların İnternet təhlükəsizliyi üzrə “Ağ siyahı”nın (“white list”) hazırlanması nəzərdə tutulurdu.

Layihə ilə bağlı qaydalar isə Rabitə və Yüksək Texnologiyalar Nazirliyi ilə Ailə, Qadın və Uşaq Problemləri üzrə Dövlət Komitəsinin birgə müzakirəsi əsasında hazırlanır.

Dövlət Komitəsindən Xeberler.az-a verilən məlumata görə, RYTN-nin uşaqların internet təhlükəsizliyi üzrə “Ağ siyahı” layihəsi artıq yekunlaşmaq üzrədir. 

Xeberler.az-a bildirilib ki, Ailə, Qadın və Uşaq Problemləri üzrə Dövlət Komitəsi hazırda RYTN-lə bu sahədə məsləhətləşmələr aparır.
Layihə RYTN-nə aid olduğu üçün yekunlaşması və tətbiqi ilə birbaşa Nazirlik məşğul olur: “Süzgəc sisteminin yaradılması nəzərdə tutulur ki, bununla da uşaqlar üçün arzuolunmaz saytlara girişi məhdudlaşdırmaq mümkündür. Bunun vasitəsilə evdəki və İnternet klublardakı kompüterlərdən azyaşlılar üçün təhlükəli hesab olunan saytlara girişin qarşısı alınacaq. Bununla da uşağın tərbiyəsinə, psixikasına birbaşa təsir edən saytlara giriş məhdudlaşacaq”.

Qeyd edək ki, “Ağ siyahı”ya uşaqların maraq dairəsini əhatə edən, faydalı məzmuna malik veb saytlar daxil ediləcək. Eyni zamanda, uşaqlar üçün zərərli hesab olunacaq məzmunda veb saytların əngəllənməsi üçün qanunvericilikdə dəyişikliklər ediləcək.

 Sevinc Çəltikova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.