Ramin Quluzadə məktəblilərlə görüşüb

22-08-2017 / 16:55

Nəqliyyat, Rabitə və Yüksək Texnologiyalar Nazirliyində Uşaqların IV Ümumrespublika Forumuna vəsiqə qazanan məktəblilərlə görüş keçirilib.

Xeberler.az-ın məlumatına görə, görüşdə çıxış edən nəqliyyat, rabitə və yüksək texnologiyalar naziri Ramin Quluzadə uşaqların fəallığının artırılmasında belə görüşlərin əhəmiyyətini vurğulayıb.

Nazir Ramin Quluzadə uşaqların bir çox problemlərin həlli ilə bağlı təşəbbüslər irəli sürmək və təkliflər vermək imkanı yaratdığı üçün bu cür forumların keçirilməsini yüksək qiymətləndirib.

İKT sektorundakı ən son yeniliklər, yüksək texnologiyalar və ölkəmizin kosmik sənayesi barədə söz açan nazir uşaqları Azərkosmos-un Peyk idarəetmə mərkəzinə dəvət edib. Sonra nazir uşaqların startaplar, internet resursları, "Elektron hökumət" və s. barədə suallarını cavablandırıb.

Sonda nazir R.Quluzadə uşaqlara Azərbaycanın rabitə tarixini əks etdirən "Azərbaycan Telefon Rabitəsi 135 il" kitabı və müxtəlif mövzulara həsr olunmuş marka kolleksiyaları hədiyyə edib.

Bu ilin aprel-may aylarında regional görüşlərin keçirildiyini deyən Ailə, Qadın və Uşaq Problemləri üzrə Dövlət Komitəsinin uşaq problemləri şöbəsinin müdiri Cəmilə Bağırova bildirib ki, uşaq hüquqları sahəsində bilikləri olan, mövzu ətrafında sərbəst şəkildə fikirlərini ifadə edən uşaqların seçimi uğurla başa çatıb.

Diqqətə çatdırılıb ki, uşaqların intellektual və hüquqi biliklərinin artmasına kömək edəcək forumda 400-ə yaxın şagird iştirak edəcək.

Uşaqların IV Ümumrespublika Forumu noyabrın 20-də keçiriləcək. 

Günel

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.