USB ilə enerji doldurma təhlükəli ola bilər

28-05-2016 / 11:32

Rusiyanın Kasperski Laboratoriyası antivirus şirkətinin ekspertləri tərəfindən keçirilmiş sınaq nəticəsində məlum olub ki, kompüterlərin USB portu vasitəsilə smartfonları enerji ilə doldurmasl utəhlükəli ola bilər.

Xeberler.az RYTN-nin elektron xəbər xidmətinə istinadən məlumat verir ki, mobil qurğu fərdi kompüterə qoşularkən zərərli proqramla yoluxa, hakerlər isə sistemdəki boşluqdan istifadə edərək məxfi məlumatları ələ keçirə bilərlər.

Bir sıra iPhone və Android qurğuları sınaqdan keçirmiş Kasperski Laboratoriyası-nın nümayəndələri aydınlaşdırıblar ki, standart USB kabelin köməyi ilə smartfonu fərdi kompüterə qoşarkən hər iki aparat müəyyən informasiya (məsələn, istehsalçının adı, seriya nömrəsi, əməliyyat, fayl sistemləri və sairə) ilə mübadilə edir.

"Təhlükə ondan ibarətdir ki, kibercinayətkarlar bu məlumatlardan istifadə edə bilər, çünki qurğunun identifikasiyası onun boşluqlarını müəyyənləşdirməyə və cihaz üzərində nəzarəti ələ keçirməyə imkan verir" – ekspertlər deyiblər. Belə ki, istifadəçinin hərəkətlərini izləmək və ya fərdi informasiyanı ələ keçirmək üçün smartfona gizli şəkildə proqram quraşdırmaq mümkündür. Bundan başqa, “USB” port vasitəsilə mobil qurğuya casus proqramı quraşdırmış hakerlər cihaz mobil proqramlar quraşdıra və silə, mesaj, foto və videoları köçürə, məlumatları şifrləyə və silə bilərlər.

Ekspertlər belə risklərdən müdafiə olunmaq üçün hər iki qurğuya etibarlı parol quraşdırmağı, antivirus, şifrləmə texnologiyalarından, həmçinin yalnız təhlükəsiz enerji doldurma qurğuları və kompüterlərdən istifadəni tövsiyə edirlər. 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə