Maliyyə məlumatlarını oğurlayan kompüter şəbəkəsi zərərsizləşdirilib

13-04-2015 / 16:18

İnterpol və “Kasperski laboratoriyası”, "Microsoft” və “Trend Micro” şirkətləri birgə əməliyyat keçirərək “Simda” kompüter şəbəkəsi (botnet) ilə idarə edilən on komanda serverini nəzarət altına alıblar. Botnet dünyanın 190 ölkəsində, o cümlədən ABŞ, Böyük Britaniya, Rusiya, Kanada və Türkiyədə 770 min kompüteri yoluxdurub və hücuma məruz qalan fərdi kompüterlərdən maliyyə məlumatlarını yükləmək imkanına malik olub. Bu barədə Rusiya şirkətinin məlumatında deyilir.

Xəbərlər Lenta-ya istinadən məlumat verir ki, əməliyyat kompüterləri yoluxduran şəbəkənin fəaliyyətinə ciddi ziyan vurub ki, bu da kibercinayətkarlar üçün xərclərin və risklərin artmasına səbəb olacaq və gələcəkdə istifadəçi kompüterlərinin yoluxdurulmasının qarşısını alacaq.

 İnterpolun Sinqapurdakı qlobal innovasiya kompleksinin koordinasiya etdiyi əməliyyatda Niderlandın Milli yüksək texnologiyalar sahəsində cinayətkarlıqla mübarizə mərkəzi, ABŞ Federal Təhqiqatlar Bürosu, Lüksemburq polisi və Rusiya hüquq-mühafizə orqanları iştirak edib.

 “Simda” botneti cinayətkarlar tərəfindən yoluxdurulan internet saytları ilə yayılır. İstifadəçi belə resursa daxil olan zaman zərərli kod son yenilənmə quraşdırılmadığı halda saytı eksploytlarla birlikdə yükləyərək kompüteri yoluxdurur. Cinayətkarlar sonradan kompüterlər üzərində olan nəzarəti satmaqla məşğul olurlar. Fərdi kompüterə çıxış onlara maliyyə məlumatlarının oğurlanması üçün əlavə proqramlar quraşdırmağa imkan verib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.