Kasperski antivirusunda boşluq aşkar edilib

10-09-2015 / 21:49

Kasperski antivirusunda kibercinayətkarlara istifadəçilərin kompüterləri üzərində nəzarəti ələ keçirməyə imkan verən boşluq aşkar edilib. Xeberler.az-ın xarici mətbuata istinadən verdiyi məlumata görə, Google-un informasiya təhlükəsizliyi üzrə mühəndisi Tevis Ormandi Kasperski antivirusunda olan bu boşluğu aşkar edib.

Ormandinin aşkar etdiyi boşluq kibercinayətkarların istifadəçinin qurğusunda istənilən kodu icra etməsi və kompüter üzərində nəzarəti ələ keçirməsinə səbəb ola bilər. Tədqiqatçının məlumatına görə, bu boşluq Kasperski antivirusunun 2015 və 2016 versiyalarında qeydə alınıb.

 Ormandi boşluq barədə Kasperski laboratoriyasına hesabat göndərib və ona tez bir zamanda düzəlişlə bağlı məlumat göndərilib.

 "Biz boşluq haqqında məlumat verdiyinə görə Tevis Ormandiyə minnətdarıq. Müvafiq düzəliş 24 saat ərzində buraxılıb və avtomatik yeniləmə vasitəsi ilə istifadəçilərin kompüterlərinə quraşdırılıb" - şirkətdən bildirilib.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.