Veb-kameralar seçkidə şəffaflığı təmin edəcək

09-10-2015 / 16:09

“Seçki günü Mərkəzi Seçki Komissiyasının(MSK) internet səhifəsinə və ya “Elektron hökumət” Portalına daxil olub heç bir qeydiyyat tələb olunmadan əvvəldən sonadək seçki prosesini izləmək mümkün olacaq”.

Bunu Xeberler.az-a MSK-nın media və ictimai əlaqələr şöbəsinin müdiri Şahin Əsədli bildirib.

Seçki məntəqələrində veb-kameraların quraşdırılmasının vacibliyindən danışan Şahin Əsədli vurğulayıb ki, veb-kameraların quraşdırılması seçkidə aşkarlığın və şəffaflığın təyin olunmasına yönəlib: “Veb-kameralar quraşdırılarkən elə yerlər nəzərdə tutulur ki, (səsvermə kabinəsi istisna olmaqla) seçki prosesini rahat, aydın, internet üzərindən oturub izləmək imkanı yaradılsın. Bu imkan dünyanın istənilən nöqtəsində hər hansı bir internet istifadəçisinə aiddir. MSK-nın internet səhifəsinə və ya “Elektron hökumət” portalına seçki günü qoşulub heç bir qeydiyyat tələb olunmadan əvvəldən sonadək seçki prosesini izləmək mümkün olacaq”.

Qeyd edək ki, Azərbaycanın rayonlarında, eləcə də Naxçıvan Muxtar Respublikasında mindən çox seçki məntəqəsində veb-kameralar quraşdırılıb. Bakının seçki dairələrindəki məntəqələrdə 294 veb-kamera quraşdırılıb.

 

Mirvari Nəcəf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.