E - HÖKUMƏT

Məlumat verdiyimiz kimi, bu gün nəqliyyat, rabitə və yüksək texnologiyalar naziri Ramin Quluzadə Mərkəzi Seçki Komissiyasında (MSK) olub.  Belə ki, nazir nazir qurumun veb-kameralara texniki nəzarət mərkəzi ilə tanış olaraq, yaradılmış şərait ilə tanış olub.

Qeyd edilib ki, bütün dairələri əhatə etməklə, 1000 seçki məntəqəsində veb-kameralar quraşdırılıb.

Azərbaycan İnternet Forumunun prezidenti, ekspert Osman Gündüz Xeberler.az-a məsələ ilə bağlı bildirib ki, bu say ötən ilki ilə eynidir.

Ekspert hesab edir ki, hər il kameraların sayı artırılmalı idi:

“Seçki günü həm ölkə daxilindən, həm də ölkə xaricindən MSK-nın rəsmi internet səhifəsinə daxil olmaqla səsvermə prosesi, səslərin sayılması və nəticələrin müəyyənləşdirilməsini birbaşa müşahidə etmək imkanı seçkilərin şəffalığı üçün kifayət qədər mühüm bir amildir. Amma mənə qaranlıq qaldı ki, nə üçün 1000 məntəqə ? Əvvəlki seçki prosesində də elə 1000 məntəqə müşahidə sisteminə qoşulmuşdu. Hər il addım-addım bu say artırılırdı axı ? Belə çıxır ki ötən seçkilərdən sonra indiyədək heç bir əlavə məntəqəyə veb-kameralar quraşdırılmayıb . Görəsən bunun səbəbi nədir, diqqətsizlik, maliyyənin azlığı, yoxsa başqa səbəb var ?”.

O bir daha xatırladıb ki, seçkilərin informasiya təminatı ilə bağlı yaradılan Mərkəzin rəsmi internet saytının ilkin monitorinqi də göstərmişdi ki burada da xeyli problemlər var:

“Nədənsə bu il seçkilərdə texniki təminata diqqətin zəiflədiyi müşahidə olunur. Bilmirəm, bəlkə də maliyyə ayırmaqda xəsislik edirlər”.

Xeberler.az