Seçki məntəqələrində veb-kameralar quraşdırılıb

05-10-2015 / 17:23

Bakı Telefon Rabitəsi İstehsalat Birliyi (İB) və Aztelekom MMC Azərbaycanda parlament seçkilərinin keçiriləcəyi seçki məntəqələrində veb-kameraların quraşdırılması üzrə texniki işləri yekunlaşdırıb.

Bu barədə Xeberler.az-a İB-dən məlumat verilib.

Azərbaycanın rayonlarında, eləcə də Naxçıvan Muxtar Respublikasında mindən çox seçki məntəqəsində veb-kameralar quraşdırılıb. Bakının seçki dairələrindəki məntəqələrdə 294 veb-kamera quraşdırılıb.

Hazırda sınaq işləri aparılır. Videogörüntünün ötürülməsi üçün optik rabitə xətlərindən istifadə olunacaq.

Səsvermənin gedişi onlayn rejimdə əlçatan olacaq ki, bu da seçicilərə seçki məntəqələrindən daxil olan nəticələri interaktiv izləməyə fürsət verəcək.

Parlament seçkilərinin keçiriləcəyi seçki məntəqələri etibarlı telefon rabitəsi və internet şəbəkəsinə çıxışla da təmin ediləcəklər.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.