Microsoft oktyabrda Windows 7 əməliyyatı haqda məlumat verəcək
18-08-2008
11:24
Microsoft oktyabrda Windows 7 əməliyyatı haqda məlumat verəcək
Microsoft kompaniyası Windows 7 ilə bağlı sualları cavablandıran xüsusi bloq hazırlayıb. Hələki bu barədə məlumat azdır. Lakin Windows-un baş menecerlərindən biri Stiven Sinofski qey edir ki, oktyabrın 27-də Professional Developers Conference (PDC) və Windows Hardware Engineering Conference (WinHEC) tədbirində Windows 7 ilə bağlı texniki məlumatlar elan ediləcək. Mütəxxəssis onu da deyir ki, əməliyyatda istədikləri nəticəni əldə etməyənə qədər yeni sistem haqda heç bir məlumat verilməyəcək.
Bununla yanaşı, Windows 7 haqda az da olsa məlumatlar yayılıb. Bu əməliyyat sistemi Windows Vista-nın drayver modeli və əsas özəyi ilə oxşardır. Məhsulun təqdimi 2010-cu ilin yanvarında Windows Vista-nın buraxılışından 3 il sonra həyata keçməlidir.
Microsoft sistemin imkanları haqda may ayında da kiçik nümayişlər etdirmişdi.
Sinofski dediyinə görə, Windows 7-nin uğur əldə etməsində sistem işçiləri ilə istifadəçilər arasında olan dialoq böyük əhəmiyyət kəsb edəcək. Bu, balanslı sistem yaratmağa kömək edəcək.
