RƏQƏMSAL DÜNYA

Xeberler.az saytı bugündən etibarən yeni layihəyə start verir. “Blogdan xəbərlər” adlanan rublikada məqsəd həftə içi bloggerlərin yazdığı məqalələrlə oxucuları tanış etməkdir. Təbii ki, hər bir bloggerin öz auditoriyası, oxucusu var. Bizim məqsədimiz həmin yazılar haqda oxucuya məlumat vermək, yazıları kütləviləşdirməkdir. Bu rublikaya başqa saytlarda da rast gələ bilərsiz. Amma biz onlarla rəqabət aparmaq yox, Azərbaycanda bloqçuluğun inkişafına nail olmaq istəyirik.

İlk olaraq Blogdan xəbərlərdə Azərbaycanda fəaliyyət göstərən bloqlar haqda məlumat vermək istəyirik. Gələn həftədən etibarən isə bloggerlərin yazıları haqqında məlumat Bloqdan xəbərlərdə olacaq.

İlk olaraq gənc yazıçı, jurnalist olan Rüfət Əhmədzadədən başlayaq.  Rüfət bloqunda oxucuları belə salamlayır:  “Hər kəsin bir daxili dünyası var. Kimi gizlədir, kimi paylaşır... Mən isə, öz xəyal dünyamı, bədii təxəyyülümün məhsullarını bölüşürəm sizinlə. Ümidvaram, istehlakçılarımız razı qalar.”

Rüfət bloqunda öz hekayələrini, esselerini yerləşdirir. Rüfət Əhmədzadə yaradıcılığı ilə yaxından tanış olmaq istəyirsinizsə www.ahmadzada.wordpress.com (www.ahmadzada.tk) bloquna baş çəkə bilərsiniz.

Azərbaycanda kollektiv bloq anlayışı o qədər yayılmayıb. www.weboxu.com -da ölkəmizdə fəaliyyət göstərən azsaylı kollektiv bloqlardandır. Burada hər bir kəs üzv olub İT`ə aid olan məlumatları yaza bilər. Mövzuya aid olan bütün yazılar qəbul edilir və hər kəs öz yazdığı məlumata məsuliyyət daşıyır. Eyni zamanda blogda, blogları açılmış saytlar və şirkətlərin nümayəndələri öz rəsmi məlumatlarını yayımlamaq hüququna malikdirlər.

Bundan başqa www.Kayzen.az  və www.sosium.com -u da kollektiv bloqlara aid edə bilərik.

Azərbaycanın ən məşhur bloggerlərindən olan Əli Novruzovun bloqu http://alinovruzov.wordpress.com  adlanır. Bundan başqa  http://turkhan.wordpress.com /

 http://www.vuqar.azeriblog.com  bloqları da ölkəmizdə və dünyada baş verən ən aktual məsələrə yer ayırır.

İnformasiya Texnologiyaları (İT) sahəsində http://oracleazerbaycan.wordpress.com, http://www.aliev.info, http://raminorucov.wordpress.com, http://e-haci.net və başqa bloqlar fəaliyyət göstərir.

İdman bloqları arasında Elçin Cəlilovun bloqu http://jalilov.blogspot.com öz rəngarəngliyi ilə seçilir. Elçin bloqunda futbola geniş yer verir.

Rauf Mərdiyevin http://raufray.wordpress.com bloqunda da maraqlı məlumatlarla tanış ola bilərsiniz.

“İrəli” İctimai Birliyin sədri Ceyhun Osmanlı bloqunda (http://ceyhunosmanli.wordpress.com) daha çox müsahibələrini yerləşdirir.

 Moda ilə maraqlananlar http://stil.azeriblog.com bloqunu ziyarət etsələr çox şey taparlar.

Sonda qeyd edək ki, gələn həftədən etibarən məşhur bloqlardan seçmələr Xeberler.az saytında olacaq. Bizi izləməyə davam edin.

Hacıbəy Heydərli