RƏQƏMSAL DÜNYA

"America Online" (AOL) media korporasiyası dünyanın ikinci İnternet axtarışı servisi "Yahoo!"nu satın almağı planlaşdırır.
AOL təkbaşına bu əməliyyatı həyata keçirə bilməz. Çünki AOL-un birja dəyəri indi $2,68 milyard, "Yahoo!"nun qiyməti isə $20,56 milyarda bərabərdir. Ona görə də AOL sövdələşməyə "Silver Lake Patrners" və "Bləckstone Group" investisiya fondlarını cəlb etməyə çalışır. "Bloomberg" bildirir ki, həmin investisiya fondları AOL-a $10-12 milyard verməyə razıdır.

Əgər AOL "Yahoo!"nun satın alınmaq təşəbbüsünə daha iki-üç korporasiya da qoşula bilər. Belə ki, "Yahoo!"ya böyük həcmli investisiyaların yatırılmasında Çinin "Alibaba Group" şirkəti də maraqlıdır.

AOL "Yahoo!"nun 40%-lik payını satın almaq fikrindədir.

"Yahoo!" isə artıq iki həftədir ki, "udulma"sının qarşısını almaq üçün müdafiə tədbirləri hazırlayır. Korporasiya bu məqsədlə "Goldman Sachs" bank qruplaşmasının analitikləri ilə danışıqlar aparır.

Hazırda "Alibaba"nın səhm paketi olmadan "Yahoo!"nun birja kapitallaşmsı dəyəri 2009-cu ildəki illik mənfəət həcminin 1,5 mislinə bərabərdir. Bu isə "Yahoo!"nun anomal dərəcədə ucuzlaşdığını göstərir.

"Yahoo!"nun malliyyə durumu indi pis olmasa da, artıq dalbadal 6 rübdür ki, şirkətin rüblük mənfəəti $1,2 milyard səviyyəsində dəyişməz qalır. Bu, şirkətin inkişafının dayandığını göstərir.

/Ekspress/