Cerri Yanq Yahoo!-nun baş direktor vəzifəsini tərk edir

18-11-2008 / 10:37
Yahoo! şirkətinin baş direktoru öz vəzifəsini tərk edəcək. Bu barədə internet-şirkət tərəfindən bazar ertəsi axşam saatlarında dərc olunmuş rəsmi bəyanatda deyilir. Yahoo!-nun direktorlar şurası artıq bu vəzifəni icra edəcək namizədin axtarışına başlayıb. Bəyanatda təqdim olunan məlumata əsasən baş direktor vəzifəsini tərk etdikdən sonra C.Yanq Yahoo!-nun direktorlar şurasında və rəhbərliyində öz mövqeyini saxlayacaq.
Qeyd edək ki, Yahoo!-nun təsisçilərindən biri olan Cerri Yanq şirkətin baş direktoru vəzifəsinə 2007-ci ilin iyun ayında təyin olunmuşdur. Məhz o, Yahoo!-nun Microsoft tərəfindən əldə olunmasına dair 2008-ci ilin əvvəlindən davam edən danışıqların əleyhinə çıxış edirdi. Həmin sazişin baş tutmaması səbəbindən Yahoo!-nun qiymətli kağızlarının dəyəri xeyli aşağı düşürdü, belə vəziyyət isə əlbəttə ki, səhmdarların narazılığına gətirib çıxarırdı.    
 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.