Azercell MMC PayCELL xidmətindən istifadəni beş dəfə artırıb

14-09-2009 / 14:32

"Azercell Telecom" MMC sentyabrın 24-dək hər bir abunəçi üçün gün ərzində PayCELL xidməti imkanlarından istifadənin beş dəfə artırılmasını elan edir. Bu barədə şirkətin məlumatında deyilir.

PayCELL xidməti abunəçilərə öz balansından istənilən SimSim abunəçisinin balansına kontur köçürməyə (100 və ya 200) imkan verir.

100 konturun köçürülməsi üçün konturların göndəriləcəyi abunəçinin nömrəsini 9200 nömrəsinə, 200 konturun köçürülməsi üçün isə 9202-yə SMS-lə göndərmək lazımdır.

Köçürməni Azercell-in Fakturalı Xətt abonenti etdikdə, onun hesabından 100 kontur üçün 0,40 AZN, 200 kontur köçürmə üçün 0,80 AZN (ƏDV xaric) çıxılaraq, həmin məbləğin kontur ekvivalenti olaraq 100 (200) kontur müvafiq SimSim abonentinin balansına köçürüləcək.

9200 nömrəsinə göndərilən SMS-in qiyməti Fakturalı Xətt abonentləri üçün - 0,04 AZN (ƏDV xaric), SimSim abonentləri üçün 10 konturdur.

9202 nömrəsinə göndərilən SMS-in qiyməti Fakturalı Xətt abonentləri üçün - 0,08 AZN (ƏDV xaric), SimSim abonentləri üçün 20 konturdur.

Konturları hədiyyə alan abonentin nömrəsində mövcud konturlardan istifadə müddəti bitməyibsə, hədiyyə konturları balansa əlavə olunacaq və istifadə müddəti 5 gündən azdırsa, əlavə 5 gün müddətinə artırılacaq; istifadə müddəti 5 gündən artıqdırsa, bu müddət uzadılmayacaq.

Konturları hədiyyə alan abonentin nömrəsi ikitərəfli bağlıdırsa, yəni konturlardan istifadə müddəti bitibsə, onda konturlar əlavə olunacaq və abonentin xətti 5 günlük açılacaq.

Xatırladaq ki, “Azercell Telekom” şirkəti Azərbaycan mobil rabitə bazarında 1996-cı ildən etibarən fəaliyyət göstərir və hazırda 3,5 milyon abunəçisi var.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə