Microsoft və Novell birgə fəaliyyət barədə məlumat verdilər. 2006-cı ilin razılaşmasına əsasən Microsoft Novell SUSE Linux sertifikatlarını almaq üçün 100 mln dollar xərcləyəcək. Kompaniyalar texnologiyaların virtualizasiyası, birləşdirilməsi və idarə edilməsi ilə də birlikdə məşğul olacaqlar.
Internetdə Dell firmasının İnspiron 910 kompüterinin texniki xarakteristikası barədə qeyri-rəsmi məlumatlar yayılıb. Gizmodo.ru saytının məlumatına görə, İnspiron 910 noutbukuna 1,6 ghs tezlikli İntel Atom prosessoru qoyulub. Operativ yaddaşın həcmi 512 Mb və ya 1 Gb ola bilər, fleş-kart əsaslı diskin həcmi 4 Gb-dan 16 Gb-a qədərdir. Qrafik idarəedici çipsetin köməyi ilə 8,9 düymlü displeydə təsvirə baxmaq olar.
İnternetin inkişafı proqram təminatı sahəsində əsaslı dəyişikliklərlə nəticələnəcək. Bu barədə Microsoft-un müəssisi Bill Qeyts, şirkətin Asiya Tədqiqat Bölməsinin onilliyinə həsr olunmuş konfransda bəyan edib. Microsoft-un yaradıcısı əmindir ki, gələcəkdə istifadəçilər, güclü serverlərdə verilmiş məsələləri həll etmək imkanına malik uzaqlaşdırılmış proqram təminatı ilə işləyəcəklər. Bunun nəticəsində ucuz kompüterlərə tələbat artacaq ki bu kompüterlərdən yalnız internetə çıxış imkanı kimi istifadə olunacaq.
Sky News agentliyinin verdiyi məlumata görə, Britaniyada internet vasitəsi ilə terrorist cəlb edən, Aabid Xan adlı ekstremist 12 illik həbs cəzasına məhkum olunub. Xan, müsəlman olmayanlarla müharibəyə çağıran ekstremist ensiklopediyasının elektron variantının yaradılmasında günahkar bilinib. O, yaratdığı ekstremist yuvasına, 2006-cı ildə həbs olunan Xammaad Munşini cəlb etmişdir.
Cari ilin oktyabr ayında Şərqi Afrikaya ilk optik lif rabitə xətləri çəkiləcək. 15 000 kilometr uzunluğunda optik lif kabelinin çəkilməsi 600 milyon ABŞ dollarına başa gələcək. Bu məbləğin əsas hissəsinin Afrika investorları tərəfindən ödənilməsi nəzərdə tutulub. Hazırda bu regionun əhalisi İnternet şəbəkəsinə olduqca bahalı peyk rabitəsi vasitəsi ilə qoşulur.
Ofislərdə olan hər üç kompüterdən birində Windows Vista əməliyyat sistemi Windows XP ilə əvəz olunur. Bu barədə InfoWorld şirkətinin araşdırmalarında deyilir. Araşdırma dünya üzrə üç mindən çox kompüteri əhatə edib. Bu kompüterlərin 35%-də Windows Vista əməliyyat sistemi Windows XP ilə əvəz olunub.
Avqust ayının 18-də Hewlett-Packard (HP) şirkəti EliteBook portativ noutbuklar barədə elan edib. İstehsalçının məlumatına görə hər bir noutbukun çəkisi 1,5 kiloqramdan artıq deyil, lakin bununla yanaşı hər bir model disklər üçün quraşdırılmış optik qurğu ilə təchiz olunub. Yeni noutbuk modellərin korpusları anodlaşdırılmış alümindən və maqnezium ərintilərindən hazırlanıb. Bu cür konstruksiya noutbukları əlavə temperatur və fiziki təsirdən qorumağa kömək edir.
Hindistanın Spise firması dəyəri 20 ABŞ dolları olan dünyanın ən ucuz telefonunu istehsal edib. Bu telefonun ekranı və digər funksiyaları yoxdur. Çünki istehsalçılar bunu lazım bilməyiblər. Kompaniya nümayəndələri bu telefonu “Sadəcə telefon” adlandırır və yaxın vaxtlarda telefon bazarına 10 milyon ədəd belə telefon “tullamaq” fikrindədir. Spise az bir zamanda dünyaya 10-20 dollar arası qiymətdə telefonlar “hədiyyə” etməyi planlaşdırır.
Apple şirkəti kapitallaşma üzrə Google İnternet-axtarış sistemini geridə qoyub. Belə ki, kompüter texnikası və elektronika istehsalçısının qiyməti cari ilin avqust ayının 14-də 158,84 milyard ABŞ dolları təşkil edib, Google şirkəti isə 157 milyard dollarına dəyərləndirilir. Belə vəziyyətdə Apple dünyanın ən qiymətli kompüter şirkətləri siyahısında 3-cü pillədə yer alıb.
İyul ayında poçt trafikində spamın payı orta hesabla 78.9% təşkil edib. Ən çox spam ayın 11-də qeyd olunub – 88.9%. Mütəxəssislər bu nəticəni spamın pay göstəricilərinin mövsümi azalması ilə əlaqəndirirlər. Bununla belə, “Kasperski Laboratoriyasından” deyilənlərə əsaslanaraq, onlar qeyd edirlər ki, bu azalma son bir neçə ildə ilk dəfə olaraq müşahidə olunub.
Internet istifadəçiləri xakerlərin əməliyyat sisteminin dəyişmə buferinə zərər yetirən qeyri-adi “hücumları”na məruz qalıblar. Hücum Windows, Linux, Mac OS kimi bütün müasir əməliyyat sistemlərinə təsir edərək, copy/paste funksiyasına yönəlib. Mütəxəssislər dediyinə görə, təhlükənin səbəbi ondadır ki, istifadəçilərin çoxu dəyişmə buferi ilə “avtomatda” işləyir və fikir vermirlər ki, orada yenilənmə baş verə bilər.
Toshiba kompaniyası dünyada ilk dəfə XDE texnologiyası ilə işləyən DVD pleyer təqdim edib. Istehsalçı şirkətin dediyinə görə, yeni DVD digərləri ilə müqayisədə təkmilləşdirilmiş və daha keyfiyyətli təsvir verir. Qurğu avqust ayında 150 $ qiymətində bazara çıxarılmalıdır.
Nokia Smart Spacer Lab kompaniyası videokonfranslar aparmaq üçün ev telefon robotu Jeppe-nin prototipini yaradıb. Qurğu ağ rəngli gülümsəyən insan başı formasındadır. Nokia N810 internet-planşetin köməyi ilə, bluetooth-la idarə olunur. Bundan başqa, Jeppe-də Lego NXT robotunun bloku da işə salınıb.
Leypsiq universitetinin alimləri müəyyənləşdiriblər ki, insanların xasiyyəti haqqında onların elektron ünvanlarına baxıb mühakimə yürütmək olar. Etdikləri tədqiqatlar onların gəldiyi qənaətin doğru olduğunu göstərir. Tədqiqatçılar 600 e-mail ünvanı seçib onların sahiblərinə kiçik anket suallarını cavablandırmağı xahiş ediblər. Sonra həmin elektron ünvanları 100 tələbəyə verərək onları xasiyyət baxımından qiymətləndirməyi tapşırıblar.
Microsoft oktyabrda Windows 7 əməliyyatı haqda məlumat verəcək Microsoft kompaniyası Windows 7 ilə bağlı sualları cavablandıran xüsusi bloq hazırlayıb. Hələki bu barədə məlumat azdır. Lakin Windows-un baş menecerlərindən biri Stiven Sinofski qey edir ki, oktyabrın 27-də Professional Developers Conference (PDC) və Windows Hardware Engineering Conference (WinHEC) tədbirində Windows 7 ilə bağlı texniki məlumatlar elan ediləcək.
Gartner analitikləri inanırlar ki, mini-noutbuk bazarı böyüyəcək. 2008-ci üzrə bu texnikanın dünya üzrə təchizi 5,2 mln təşkil edirsə, 2009-cu ildə bu göstərici 8 mln-a çatacaq. Mütəxxəssislər onu da istisna etmirlər ki, bu cür böyük tələbat 2012-ci ildə 50 mln noutbukun satılmasına gətirib çıxaracaq.
Almaniyanın ARD və ZDF teleradiokompaniyalarının tədqiqatına əsasən, 18 yaşdan yuxarı olan alman vətəndaşları fəal internet istifadəçiləridirlər. Yaşlı nəsil gündə təqribən 58 dəqiqə internetdən istifadə edirsə, gənclər ən azı 1 saat onlaynda olurlar. Bu da onların televiziya və radionu izlədikləri vaxtdan iki dəfə çoxdur.
ABŞ əhalisi üçün indiyədək əsas xəbərlər mənbəyi televizordur. Bu barədə Pew Research Center şirkətinin dünən dərc olunmuş araşdırmasında deyilir. Pew Research Center şirkətinin keçirdiyi sorğuda iştirak etmiş respondentlərin 46% bəyan ediblər ki, son xəbərlərdən məlumat almaq üçün televizordan istifadə edirlər. Sorğunun nəticələrinə görə, televiziya xəbərlərinə üstünlük verən insanların əksəriyyəti kabel kanallarından istifadə edir. Bu qrup respondentlərin orta yaş səviyyəsi 52 yaşdır və onların əksər hissəsinin təhsil səviyyəsi aşağıdır. Bu insanları əsasən elm və texnika haqqında xəbərlər yox, hava proqnozu maraqlandırır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları