Britaniyalılar günün bir saatını poçtun yoxlanılmasına həsr edirlər
25-11-2008
15:35
Böyük Britaniyada çalışan orta statistik əməkdaş elektron poçtdan qeyri-effektiv istifadə etdiyinə görə günün bir saatını məktubların oxunmasına və göndərilməsinə həsr edir. Bu barədə Expert Messaging təşkilatı tərəfindən aparılmış araşdırmanın nəticələrində qeyd olunur.
Belə ki Expert Messaging-in sorğusunda 150 şirkətdən dörd min britaniyalı iştirak edib. Nəticədə müəyyən olunub ki, respondentlərin əksəriyyəti öz elektron poçt qutularını məktubların növləri üzrə ayırmırlar və səliqə salmırlar. Bundan əlavə əməkdaşlara iş yerlərində poçtun düzgün istifadəsi qaydaları öyrədilmir.
Lenta-nın məlumatına görə, ekspertlər poçtun necə düzgün istifadə olunmasını hələdə bilmirlər. Bununla yanaşı bəzi sahibkarlar kimi, Qlazqo və Peysli universitetlərinin tədqiqatçıları hesab edirlər ki, elektron poçtun istifadə olunması işə mane edir və stressə gətirib çıxarır. Onlar qeyd ediblər ki, bəzi hallarda əməkdaşlar saatda 40 dəfəyə yaxın öz poçt qutularını yoxlayırlar.
