Dünya Azərbaycanlılarının Həmrəyliyi Günü münasibətilə “NEQSOL Holding” beynəlxalq şirkətlər qrupu “YAŞAT” Fonduna 1 milyon manat məbləğində vəsait köçürüb. Vəsait “NEQSOL Holding”in səhmdarının qərarı ilə tərkibində olan şirkətlər tərəfindən ödənilib.
“Dünya Azərbaycanlılarının Həmrəyliyi Günü ərəfəsində "NEQSOL Holding" Azərbaycan xalqı ilə həmrəyliyini ifadə edir, bu bayram və Yeni il münasibətilə onu təbrik edir, firavanlıq və davamlı inkişaf arzulayır. İnanırıq ki, bu vəsait hərbi əməliyyatlar nəticəsində yaralanan şəxslərin və həmçinin şəhid ailələrinin sosial rifahının yaxşılaşdırılması üçün əlavə imkanlar yaradacaq”, - deyə, “NEQSOL Holding”in Baş direktoru Yusif Cabbarov bildirib.
“YAŞAT” Fondu Azərbaycan Prezidentinin Fərmanı ilə təsis olunub. Fondun vəsaiti Azərbaycanın ərazi bütövlüyünün bərpası uğrunda mübarizədə yaralananların müalicəsi, onlara və şəhid ailələrinə psixoloji dəstək, məişət şəraitinin yaxşılaşdırılması ilə bağlı xərclərin maliyyələşdirilməsi və digər sosial ehtiyaclar üçün nəzərdə tutulur.
“NEQSOL Holding” səkkiz ölkədə enerji, telekommunikasiya, yüksək texnologiyalar və tikinti sahələrində fəaliyyət göstərən beynəlxalq şirkətlər qrupudur. Holdinq və tərkibindəki şirkətlər korporativ sosial məsuliyyət strategiyasına uyğun olaraq müxtəlif tədbirlər və təşəbbüslərini davam etdirir.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları