“Gartner” analitiklərinin proqnozuna görə, beş il sonra yeni sərnişin avtomobilləri və yük maşınlarının əsas hissəsi ümumdünya şəbəkəsi ilə məlumat mübadiləsi üçün vasitələrlə təchiz olunacaq.
2020-ci ilədək təxminən 150 milyon avtomobil internetə qoşula biləcək. Bu halda avtomobillərin 60-75%-i informasiyanı yalnız istifadə deyil, həm də generasiya edəcək, həmçinin veb məlumatlarla mübadilə edəcək.
“Gartner” analitikləri hesab edirlər ki, ABŞ-da və Avropanın bəzi ölkələrində alıcıların yarısından çoxu öz avtomobillərində avtomobil istehsalçıları deyil, məşhur İT şirkətləri tərəfindən hazırlanmış internetə çıxışa malik bort informasiya-əyləncə mərkəzlərini görmək istəyir.
Qeyd etmək lazımdır ki, İT bazarının aparıcı şirkətləri artıq avtomobil istiqamətini inkişaf etdirir. Məsələn, “Apple” korporasiyası “CarPlay” sistemini nümayiş etdirib. “Google” isə öz növbəsində, “Android Auto” platformasını təqdim edib./ICTnews/
