Analitiklər mobil internet-qurğulara tələbatın artacağını proqnozlaşdırırlar
26-09-2008
15:52
ABI Research şirkətinin analitikləri, ümumdünya şəbəkəsi üçün işləyən mobil internet-qurğularının (MID) – kompüterlər satışının artımını proqnozlaşdırır.
Onların söylədiklərinə görə, hazırda ultramobil kompüterlər (UMD) sahəsində 90% satışı netbuklar təşkil edir. Lakin beş il ərzində vəziyyətin əsaslı şəkildə dəyişəcəyi gözlənilir. ABI Research-ün proqnozlarına görə, 2013-cü ildə UMD bazarında 200 mln. satış olacaq. Belə ki, mobil internet-qurğuların payı burada 68% və ya 136 mln. ədəd olacaq. Beləliklə, satışda mobil internet qurğuları netbukları ötəcək.
Mütəxxəssislər onu da qeyd edirlər ki, 86 milyon MID 2013-cü ildə Linux platforması əsasında istifadə olunacaq. Onların fikrincə, Moblin işçilərinin gücü ilə yaradılmış əməliyyat sistemləri daha məşhur olacaqlar.
Yeri gəlmişkən. Gartner analitiklərinin fikrincə isə, netbukların dünya üzrə satışı bu il 5,2 milyona, 2012-ci ildə 50 milyona çatacaq.
