AZNET

AGBank müştərilərinin istəyi ilə mobile bankinq xidmətində bir çox yeniliklər edib. AGBank tam yenilənmiş mobil programın işə salınmasını elan edib.

Xeberler.az-ın məlumatına görə, əhəmiyyətli dəyişikliklər programın dizaynına və strukturuna təsir göstərib. Yeni funksiyalar əlavə olunub, interfeys isə daha da sadələşdirilib, bunun sayəsində istifadəçilər lazımi əməliyyatları daha sürətli icra edə bilərlər, həmçinin, mühüm məlumatları əldə edə bilərlər.

Amma bu da son deyil – yenilənmiş mobil proqramın əsas fərqi ondan ibarətdir ki, bu programdan həm Bankın müştəriləri, həm də Bankın müştərisi olmayan şəxslər istifadə edə bilərlər.

Gəlin baxaq, Bankın müştərisi olmayan şəxslər hansı xidmətlərdən istifadə edə bilərlər?

-Kommunal ödənişlər

-Kreditin ödənişi

-AGBank tərəfindən keçirilən kampaniyalar və Bankla bağlı xəbərlər

-AGBankın məhsulları ilə tanişlıq (kartlar, əmanətlər ) Həmçinin sifariş istəyi saxlamaq mümkündür.

-Valyuta kalkulyatoru

-Pul köçürmələri kalkulyatoru

-Online Bank programın DEMO versiyasının baxışı

-ATM və filialların  siyahısı və olduğunuz ərazidə yerləşən ən yaxın ATM və ya filiala xəritə üzrə marşrutun qeyd olunması.

Artıq İnternet Bank xidmətindən istifadə edən müştərilər isə sistemə daxil olub, müasir dizayn və intuitiv naviqasiya ilə təmin edilmiş bütün mövcud əməliyyatlardan istifadə edə biləcəklər. İnternet Bank istifadəçiləri 24 saat, 7 gün rejimində maliyyədən səmərəli idarə edilməsi üçün geniş opsiya siyahısına malik imkanlardan istifadə edə bilərlər. AGBank mobil proqram iOS və Android platformaları, smartfon və tablet sahiblərinə AppStore və PlayMarket-də pulsuz yükləniş üçün mövcud olacaq.

 Xeberler.az