Kapital Bank bankomat şəbəkəsini genişləndirir

30-10-2015 / 11:34

Kapital Bank ölkənin bütün regionlarını əhatə etməklə, bankomatların sayını 550 vahidə çatdırıb.

Bankdan Xeberler.az-a verilən məlumata görə, Kapital Bank tərəfindən Bakı, Gəncə və Şəki şəhərlərində, həmçinin, Abşeron rayonunun Digah qəsəbəsində, Beyləqan rayonunun Əhmədli və Dünyamalılar, Füzuli rayonunun Böyük Bəhmənli, İmişli rayonun isə Sarxanlı kəndlərində əlavə yeni bankomatlar quraşdırılıb. Bütün bankomatlarda Cash by Code xidmətindən faydalanmaq mümkündür. Cash by Code xidməti bank kartından istifadə etməklə, nağd pul vəsaitlərinin bank kartı olmayan şəxslərə bankomat vasitəsi ilə köçürmək imkanı yaradır. Kapital Bank plastik kartlarının sahibləri isə bankomatlar vasitəsilə həm də kommunal xərcləri və mobil operatorların xidmətinə görə ödənişi həyata keçirə bilərlər.

Bakı şəhəri ərazisindəki mövcud bakomatların bəziləri isə yeniləri ilə əvəz olunub. Quraşdırılan ATM-lər çoxfunksionallığı ilə fərqlənir. Müasir texniki imkanlara malik həmin bankomatlar mini-klaviatura ilə yanaşı sensorlu ekranla da təchiz edilib. Bundan əlavə, Kapital Bank Cash-in funksiyalı ATM-lərin də sayını artırıb. Bu xidmət standart əməliyyatlardan başqa Kapital Bankın plastik kart sahiblərinə banka gəlmədən, gunün istənilən vaxtında Cash-in tipli bankomatlar vasitəsi ilə kart hesablarına nağd pul vəsaitini mədaxil etmək imkanı verir. Cash in tipli bankomatların siyahısı və ünvanı ilə kapitalbank.az internet səhifəsində tanış olmaq olar.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.