AZNET

 AGBank Forex tam yenilənmiş funksional internet portalını istifadəyə verib.

Peşəkar, eləcə də ticarətə yeni başlayan treyderlərin yaranan suallarını və tələblərini nəzərə alaraq AGBank Forex istifadədə daha praktik və daha rahat yeni sayt yaradıb.

Yeni saytın funksionalı bir növ elektron bələdçi rolunu oynayır və ticarət alətlərini bir ardıcıllıq ilə istifadəçilərin diqqətinə çatdırır.

Xeberler.az-ın məlumatına görə, saytın yenilənmiş strukturu, səhifəyə daxil olduğunuz an lazım olacaq informasiyanı göz önündə tutaraq vaxta qənaət etməyə kömək edir. Məsələn, məzənnə, spredlər, iqtisadi təqvim və “onlayn” məsləhətçi saytın hər səhifəsində aktivdir. Belə ki, bu alətlərdən istənilən an faydalana bilərsiniz.

Saytda təqdim olunan analitik məlumat bölməsi, hər gün yenilənən xəbər lenti, bülleten və iqtisadi təqvim sayəsində birja bazarı iştirakçıları əməliyyatlar zamanı daha məlumatlı olaraq riskləri azaltmış olacaqlar.     

İstifadədə rahat və praktik olan şəxsi kabinet bölməsi isə treydera əməliyyat və hesablarını onlayn rejimdə idarə etmək imkanını verir.

Qeyd edək ki, ticarətə yeni başlayanların bu sahədə təcrübə toplaması üçün saytda virtual “Demo” hesab açmaq imkanı da yaradılıb.

Proqramçıların ərsəyə gətirdiyi yeni sayt  funksional və dinamik formatda hazırlanıb.

 Məltəm Talıbzadə