"Agentliyin layihəsi xəstəni süni nəfəs aparatına qoşmağa bənzəyir"

25-11-2022 / 18:11
Medianın İnkişafı Agentliyi “E-köşk” portalının - qəzet və jurnalların rəqəmsal yayım platformasının təqdimat mərasimini keçirib.
 
"İlin günün bu vaxtında, ölkədə rəqəmsallaşmanın indiki səviyyəsində ,internet medianın inkişaf səvisyyəsində, "yeniliklərdən xəbərdar" olmaq üçün 15-20 il əvvəlki texnologiyaya üstünlük vermək bilmirəm ki, MEDİA-nın necə və haradan ağlına gəlib".
 
Bu barədə Xeberler.az-a Azərbaycan İnternet Forumunun prezidenti, ekspert Osman Gündüz deyib.
 
Onun sözlərinə görə, qəzet və jurnal infrastrukturunu rəqəmsal transformasiya etmək, onların müxtəlif dilli veb, mobil və sosial resurslarının inkişafına dəstək vermək, təhlükəsizliyinə dəstək vermək əvəzinə Agentliyin belə bir bir layihəsi yumşaq desək, xəstəni süni nəfəs aparatına qoşmağa bənzəyir:
 
"Beynəlxalq təcrübə göstərir ki, səmərəsiz prosesləri rəqəmsallaşdırmaq heç vaxt uğurlu olmur və daha ciddi problemlər yaradır. Fikrimcə, qəzet və jurnalların onlayn versiyası işə başlamazdan öncə, hazırda Milli Kitabxanada mövcud olan arxivin rəqəmsalaşdırılması üçün dəstək verilməsi bəlkə daha əhəmiyyətli ola bilərdi.
Anlayıram ki, Agentlik nəsə etmək istəyir. Çalışır. Amma müşahidələr göstərir ki, Agentliyin bu tip addımları spontan xarakterlidir. Qurum gərək mütəxəssisləri, maraqlı tərəfləri cəlb edib, medianın inkişafı üçün normal bir konseptual baxışlar hazırlasın".
 
Osman Gündüzün sözlərinə görə, təşkilatçılar qeyd ediblər ki, bu layihə Prezidentin 2008-ci ildə təsdiq edilmiş “Kütləvi informasiya vasitələrinin inkişafına dövlət dəstəyi Konsepsiyası”na uyğun olaraq hazırlanıb. Hansı ki, bu sənəd hazırlanan vaxtlarda ölkənin media mühiti tam fərqli olub:
 
"Düşünürəm ki, Medianın İnkişafı Agentliyinin 10 illər öncəki sənədin ab-hsvasına deyil, maraqlı tərəflləri cəlb etməklə Prezidentin tapşırıqlarına uyğun olaraq müasir çağırışlata cavab verən media infrastrukturun inkişafına yönəlik konseptual sənədin layihəsinin hazırlanmasına diqqət yetirməsi faydalı olardı. Agentliyin medianın inkişafı üçün dövlət resurslarından daha səmərəli istifadə etməsi və strateji məsələlərə diqqət yetirməsi daha doğru olardı. Yeri gəlmişkən, ümumiyyətlə bu tip məsələlərin, media ilə bağlı ən xırda detalların da "dövlətləşməsi" doğru bir yanaşma deyil. Daha doğru olardı ki, Agentlik sektordakı bu tip və digər bir çox məsələləri , özünütənzimləyici qurumlara, məsələn yeni formalaşan Mətbuat Şurasına ötürsün və bu istiqamətdə qanunvericiliyin təkmilləşdirilməsi üçün təşəbbüslər etsin".
 
 
 
 
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.